എരുമേലി: തോട്ടിൽ സുഹൃത്തുക്കൾക്കൊപ്പം മീൻ പിടിക്കുന്നതിനിടെ മധ്യവയസ്കനെ വെള്ളത്തിൽ മരിച്ച നിലയിൽ കണ്ടെത്തിയ സംഭവത്തിൽ മരണകാരണം ഹൃദയാഘാതമാണെന്നു പോസ്റ്റ്മോർട്ടം റിപ്പോർട്ട്‌. കഴിഞ്ഞ ദിവസം തുമരംപാറയിൽ തോട്ടിൽ പുഞ്ചവയൽ പശ്ചിമ സ്വദേശി പാനാപള്ളി ബിജു(48) ആണ് മരിച്ചത്.
സുഹൃത്തിന്‍റെ ചെരിപ്പ് വെള്ളത്തിൽ ഒഴുകിപോകുന്നതു കണ്ടു പിടിക്കാൻ പോയ ബിജുവിനെ അല്പമകലെ വെള്ളത്തിൽ വീണ് മരിച്ചനിലയിലാണ് കണ്ടതെന്നു സുഹൃത്തുക്കൾ പോലീസിനെ അറിയിച്ചിരുന്നു. അതേസമയം, ഇൻവെർട്ടർ വൈദ്യുതി ഉപയോഗിച്ചാണു മീൻപിടിത്തം നടത്തിയതെന്നും വൈദ്യുതി ഷോക്ക്മൂലമാണ് അപകടമുണ്ടായതെന്നും സംശയം ഉയർന്നിരുന്നു. ഇതേത്തുടർന്ന് അന്വേഷണം ആരംഭിച്ച പോലീസ് സ്ഥലത്തു പരിശോധന നടത്തിയിരുന്നു. എന്നാൽ, 12 വോൾട്ടിന്‍റെ ഇൻവർട്ടറാണ് ഉപയോഗിച്ചതെന്നും അപകടകരമായ നിലയിൽ ഷോക്കേൽക്കില്ലെന്നും കണ്ടെത്തിയിരുന്നു.
മൃതദേഹം ഇന്നലെ പുഞ്ചവയൽ സെന്‍റ് സെബാസ്റ്റ്യൻ പള്ളിയിൽ സംസ്കരിച്ചു. ഇഞ്ചിയാനി പാമ്പുതൂക്കിൽ കുടുംബാംഗമായ മോൾഡി ആണ് ഭാര്യ. മക്കൾ: അലീന, ജിന്‍റ.
സുഹൃത്തിന്‍റെ ചെരിപ്പ് വെള്ളത്തിൽ ഒഴുകിപോകുന്നതു കണ്ടു പിടിക്കാൻ പോയ ബിജുവിനെ അല്പമകലെ വെള്ളത്തിൽ വീണ് മരിച്ചനിലയിലാണ് കണ്ടതെന്നു സുഹൃത്തുക്കൾ പോലീസിനെ അറിയിച്ചിരുന്നു. അതേസമയം, ഇൻവെർട്ടർ വൈദ്യുതി ഉപയോഗിച്ചാണു മീൻപിടിത്തം നടത്തിയതെന്നും വൈദ്യുതി ഷോക്ക്മൂലമാണ് അപകടമുണ്ടായതെന്നും സംശയം ഉയർന്നിരുന്നു. ഇതേത്തുടർന്ന് അന്വേഷണം ആരംഭിച്ച പോലീസ് സ്ഥലത്തു പരിശോധന നടത്തിയിരുന്നു. എന്നാൽ, 12 വോൾട്ടിന്‍റെ ഇൻവർട്ടറാണ് ഉപയോഗിച്ചതെന്നും അപകടകരമായ നിലയിൽ ഷോക്കേൽക്കില്ലെന്നും കണ്ടെത്തിയിരുന്നു.
മൃതദേഹം ഇന്നലെ പുഞ്ചവയൽ സെന്‍റ് സെബാസ്റ്റ്യൻ പള്ളിയിൽ സംസ്കരിച്ചു. ഇഞ്ചിയാനി പാമ്പുതൂക്കിൽ കുടുംബാംഗമായ മോൾഡി ആണ് ഭാര്യ. മക്കൾ: അലീന, ജിന്‍റ.
