കൊച്ചി: ഓപ്പറേഷൻ നൈറ്റ് റൈഡേഴ്സ് എന്ന പേരിൽ മോട്ടോർ വാഹന വകുപ്പ് നടത്തുന്ന അന്യായ പിഴ ഈടാക്കലിനെതിരേ അന്തർ സംസ്ഥാന ബസ് ഉടമകൾ നടത്തുന്ന സമരത്തിന് ഐക്യദാർഢ്യവുമായി കോൺട്രാക്ട് കാര്യേജ് അസോസിയേഷൻ. 75 ദിവസമായി റോഡിൽ തലങ്ങും വിലങ്ങും പരിശോധനയുടെ പേരിൽ പണപ്പിരിവും പിടിച്ചുപറിയുമാണു തുടരുന്നതെന്ന് ഇന്നലെ ചേർന്ന അടിയന്തര സംസ്ഥാന കമ്മിറ്റി യോഗം കുറ്റപ്പെടുത്തി.
പ്രതിഷേധ സൂചകമായി ജൂലൈ മുതലുള്ള സംസ്ഥാന റോഡ് നികുതി അടയ്ക്കാതെ വാഹനങ്ങൾ കൂട്ടത്തോടെ ഫോം - ജി നൽകുമെന്നു സംസ്ഥാന പ്രസിഡന്റ് ബിനു ജോണും സെക്രട്ടറി പ്രശാന്തനും അറിയിച്ചു. ടൂറിസ്റ്റ് ബസ് വ്യവസായത്തെ തകർക്കുന്ന ജിപിഎസ് വിഷയമടക്കമുള്ള നിലപാടിനെതിരെ ശക്തമായ സമരപരിപാടികൾക്കു ജൂലൈ 9, 10 തീയതികളിൽ ഇടുക്കി ജില്ലയിൽ നടക്കുന്ന സംസ്ഥാന ദ്വിദിന ക്യാമ്പ് രൂപം നൽകുമെന്നും അവർ അറിയിച്ചു.
പ്രതിഷേധ സൂചകമായി ജൂലൈ മുതലുള്ള സംസ്ഥാന റോഡ് നികുതി അടയ്ക്കാതെ വാഹനങ്ങൾ കൂട്ടത്തോടെ ഫോം - ജി നൽകുമെന്നു സംസ്ഥാന പ്രസിഡന്റ് ബിനു ജോണും സെക്രട്ടറി പ്രശാന്തനും അറിയിച്ചു. ടൂറിസ്റ്റ് ബസ് വ്യവസായത്തെ തകർക്കുന്ന ജിപിഎസ് വിഷയമടക്കമുള്ള നിലപാടിനെതിരെ ശക്തമായ സമരപരിപാടികൾക്കു ജൂലൈ 9, 10 തീയതികളിൽ ഇടുക്കി ജില്ലയിൽ നടക്കുന്ന സംസ്ഥാന ദ്വിദിന ക്യാമ്പ് രൂപം നൽകുമെന്നും അവർ അറിയിച്ചു.