രാജകുമാരി: കുടിവെള്ള ടാങ്കിലെ വാൽവ് തിരിക്കാൻ വീടിന്റെ ടെറസിൽ കയറുന്നതിനിടെ മരപ്പാലം ഒടിഞ്ഞുവീണ് വീട്ടമ്മ മരിച്ചു. പൂപ്പാറ അഞ്ചേക്കർ കോളശേരിയിൽ പത്മനാഭന്റെ ഭാര്യ രാധ(65)യാണ് മരിച്ചത്. വീടിന്റെ ടെറസിൽ കയറാൻ സമീപത്തെ മണ്തിട്ടയിൽനിന്നു മരപ്പാലം സ്ഥാപിച്ചിരുന്നു. കയറുന്നതിനിടെ പാലം ഒടിഞ്ഞു നിലത്തു പതിക്കുകയായിരുന്നു.
ഏറെസമയം കഴിഞ്ഞിട്ടും രാധയെ കാണാത്തതിനെത്തുടർന്ന് പത്മനാഭൻ പുറത്തിറങ്ങിയപ്പോഴാണു വീണുകിടക്കുന്നതായി കണ്ടത്. സമീപവാസികളുടെ സഹായത്തോടെ രാജകുമാരിയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ശാന്തൻപാറ പോലീസ് മേൽനടപടി സ്വീകരിച്ചു. നെടുങ്കണ്ടം താലൂക്ക് ആശുപത്രിയിൽ പോസ്റ്റുമോർട്ടത്തിനു ശേഷം മൃതദേഹം വീട്ടുവളപ്പിൽ സംസ്കരിച്ചു. തൊട്ടിക്കാനം ഇടക്കുടിയിൽ കുടുംബാംഗമാണ്. മക്കൾ: അജയൻ, അനീഷ്. മരുമക്കൾ: സ്മിത, മായ.
ഏറെസമയം കഴിഞ്ഞിട്ടും രാധയെ കാണാത്തതിനെത്തുടർന്ന് പത്മനാഭൻ പുറത്തിറങ്ങിയപ്പോഴാണു വീണുകിടക്കുന്നതായി കണ്ടത്. സമീപവാസികളുടെ സഹായത്തോടെ രാജകുമാരിയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ശാന്തൻപാറ പോലീസ് മേൽനടപടി സ്വീകരിച്ചു. നെടുങ്കണ്ടം താലൂക്ക് ആശുപത്രിയിൽ പോസ്റ്റുമോർട്ടത്തിനു ശേഷം മൃതദേഹം വീട്ടുവളപ്പിൽ സംസ്കരിച്ചു. തൊട്ടിക്കാനം ഇടക്കുടിയിൽ കുടുംബാംഗമാണ്. മക്കൾ: അജയൻ, അനീഷ്. മരുമക്കൾ: സ്മിത, മായ.