തിരുവനന്തപുരം/ കോട്ടയം: കേരള യൂത്ത് ഫ്രണ്ട് -എം 49-ാമത് ജന്മദിനാഘോഷം ഇരുവിഭാഗങ്ങളും തിരുവനന്തപുരത്തും കോട്ടയത്തുമായി നടത്തി.
പി.ജെ. ജോസഫിനെ അനുകൂലിക്കുന്ന വിഭാഗം തിരുവനന്തപുരത്തു നടത്തിയ സമ്മേളനം കേരള കോണ്ഗ്രസ് -എം വർക്കിംഗ് ചെയർമാൻ പി.ജെ. ജോസഫ് എൽഎംഎസ് റിഹാബിലിറ്റേഷൻ സെന്ററിലെ വിദ്യാർഥികൾക്കും അന്തേവാസികൾക്കും ജന്മദിന കേക്ക് മുറിച്ചു നൽകി ഉദ്ഘാടനം ചെയ്തു. യൂത്ത് ഫ്രണ്ട് -എം സംസ്ഥാന പ്രസിഡന്റ് സജി മഞ്ഞക്കടന്പിൽ അധ്യക്ഷത വഹിച്ച സമ്മേളനത്തിൽ ഡെപ്യൂട്ടി ചെയർമാൻ സി.എഫ്. തോമസ് എംഎൽഎ മുഖ്യ പ്രഭാഷണം നടത്തി.
മോൻസ് ജോസഫ് എംഎൽഎ, ജോയി ഏബ്രഹാം, തോമസ് ഉണ്ണിയാടൻ, ടി.യു. കുരുവിള, അറയ്ക്കൽ ബാലകൃഷ്ണപിള്ള, യൂത്ത് ഫ്രണ്ട് -എം സംസ്ഥാന ജനറൽ സെക്രട്ടറി, എം. മോനിച്ചൻ, കേരളാ കോണ്ഗ്രസ് -എം തിരുവനന്തപുരം ജില്ലാ പ്രസിഡന്റ് കൊട്ടാരക്കര പൊന്നച്ചൻ, പ്രഫ. എം.ജെ. ജേക്കബ് തുടങ്ങിയവർ പ്രസംഗിച്ചു.
ജോസ് കെ. മാണിയെ അനുകൂലിക്കുന്ന വിഭാഗം കോട്ടയത്തു സംഘടിപ്പിച്ച ജന്മദിനസമ്മേളനം നവജീവൻ ട്രസ്റ്റി പി.യു. തോമസ് ഉദ്ഘാടനം ചെയ്തു. കെ.എം. മാണിയുടെ ഛായാചിത്രത്തിനു മുന്പിൽ പുഷ്പാർച്ചനയും മൗനപ്രാർഥനയും നടത്തി.
യൂത്ത് ഫ്രണ്ട് -എം സംസ്ഥാന പ്രസിഡന്റായി സാജൻ തൊടുകയെ ജോസ് കെ. മാണി വിഭാഗം തെരഞ്ഞെടുത്തു. വൈസ് പ്രസിഡന്റ് ജോസഫ് സൈമണിന്റെ അധ്യക്ഷതയിൽചേർന്ന യോഗത്തിൽ സംസ്ഥാന പ്രസിഡന്റ് സജി മഞ്ഞക്കടന്പനെതിരെ സംസ്ഥാന ജനറൽ സെക്രട്ടറി ബിജു കുന്നേപ്പറന്പിൽ അവിശ്വാസപ്രമേയം അവതരിപ്പിച്ചു. സംസ്ഥാന സെക്രട്ടറി ജിൽസ് പെരിയപ്പുറം പിന്താങ്ങി. സംസ്ഥാന കമ്മിറ്റിയിൽ 13 ജില്ലാ പ്രസിഡന്റുമാരടക്കം 72 സംസ്ഥാന ഭാരവാഹികൾ പങ്കെടുത്തതായി നേതാക്കൾ അറിയിച്ചു.
അതിനിടെ, കേരള കോണ്ഗ്രസ് -എം തൃശൂർ ജില്ലാ പ്രസിഡന്റ് എം.ടി. തോമസിനെ തൽസ്ഥാനത്തുനിന്നു നീക്കിയതായും പകരം സി.വി. കുര്യാക്കോസിനെ ആക്ടിംഗ് പ്രസിഡന്റായി നിയമിച്ചതായും ജോസഫ് വിഭാഗം നേതാക്കൾ പത്രക്കുറിപ്പിറക്കി. ജില്ലാ നേതൃയോഗം തോമസ് ഉണ്ണിയാടൻ ഉദ്ഘാടനം ചെയ്തു.
പി.ജെ. ജോസഫ് വിഭാഗത്തിന് കാസർഗോഡ് ജില്ലയിൽ പുതിയ കമ്മിറ്റി നിലവിൽ വന്നു. ജെറ്റോ ജോസഫിനെ പ്രസിഡന്റായി തെരഞ്ഞെടുത്തതായും നിലവിൽ പ്രസിഡന്റായ കുര്യാക്കോസ് പ്ലാപ്പറമ്പിലിനെ പുറത്താക്കിയതായും ആ വിഭാഗം പറഞ്ഞു.
എന്നാൽ,ഏതാനും പേർ പങ്കെടുത്ത യോഗത്തിനു പ്രസിഡന്റ് സ്ഥാനത്തുനിന്നു തന്നെ പുറത്താക്കാൻ അധികാരമില്ലെന്നും ജില്ലയിലെ നേതാക്കളിലും പ്രവർത്തകരിലും 95 ശതമാനം പേരും നിലവിലുള്ള കമ്മിറ്റിയോടൊപ്പമാണെന്നും കുര്യാക്കോസ് പ്ലാപ്പറമ്പിൽ പറഞ്ഞു.
പി.ജെ. ജോസഫിനെ അനുകൂലിക്കുന്ന വിഭാഗം തിരുവനന്തപുരത്തു നടത്തിയ സമ്മേളനം കേരള കോണ്ഗ്രസ് -എം വർക്കിംഗ് ചെയർമാൻ പി.ജെ. ജോസഫ് എൽഎംഎസ് റിഹാബിലിറ്റേഷൻ സെന്ററിലെ വിദ്യാർഥികൾക്കും അന്തേവാസികൾക്കും ജന്മദിന കേക്ക് മുറിച്ചു നൽകി ഉദ്ഘാടനം ചെയ്തു. യൂത്ത് ഫ്രണ്ട് -എം സംസ്ഥാന പ്രസിഡന്റ് സജി മഞ്ഞക്കടന്പിൽ അധ്യക്ഷത വഹിച്ച സമ്മേളനത്തിൽ ഡെപ്യൂട്ടി ചെയർമാൻ സി.എഫ്. തോമസ് എംഎൽഎ മുഖ്യ പ്രഭാഷണം നടത്തി.
മോൻസ് ജോസഫ് എംഎൽഎ, ജോയി ഏബ്രഹാം, തോമസ് ഉണ്ണിയാടൻ, ടി.യു. കുരുവിള, അറയ്ക്കൽ ബാലകൃഷ്ണപിള്ള, യൂത്ത് ഫ്രണ്ട് -എം സംസ്ഥാന ജനറൽ സെക്രട്ടറി, എം. മോനിച്ചൻ, കേരളാ കോണ്ഗ്രസ് -എം തിരുവനന്തപുരം ജില്ലാ പ്രസിഡന്റ് കൊട്ടാരക്കര പൊന്നച്ചൻ, പ്രഫ. എം.ജെ. ജേക്കബ് തുടങ്ങിയവർ പ്രസംഗിച്ചു.
ജോസ് കെ. മാണിയെ അനുകൂലിക്കുന്ന വിഭാഗം കോട്ടയത്തു സംഘടിപ്പിച്ച ജന്മദിനസമ്മേളനം നവജീവൻ ട്രസ്റ്റി പി.യു. തോമസ് ഉദ്ഘാടനം ചെയ്തു. കെ.എം. മാണിയുടെ ഛായാചിത്രത്തിനു മുന്പിൽ പുഷ്പാർച്ചനയും മൗനപ്രാർഥനയും നടത്തി.
യൂത്ത് ഫ്രണ്ട് -എം സംസ്ഥാന പ്രസിഡന്റായി സാജൻ തൊടുകയെ ജോസ് കെ. മാണി വിഭാഗം തെരഞ്ഞെടുത്തു. വൈസ് പ്രസിഡന്റ് ജോസഫ് സൈമണിന്റെ അധ്യക്ഷതയിൽചേർന്ന യോഗത്തിൽ സംസ്ഥാന പ്രസിഡന്റ് സജി മഞ്ഞക്കടന്പനെതിരെ സംസ്ഥാന ജനറൽ സെക്രട്ടറി ബിജു കുന്നേപ്പറന്പിൽ അവിശ്വാസപ്രമേയം അവതരിപ്പിച്ചു. സംസ്ഥാന സെക്രട്ടറി ജിൽസ് പെരിയപ്പുറം പിന്താങ്ങി. സംസ്ഥാന കമ്മിറ്റിയിൽ 13 ജില്ലാ പ്രസിഡന്റുമാരടക്കം 72 സംസ്ഥാന ഭാരവാഹികൾ പങ്കെടുത്തതായി നേതാക്കൾ അറിയിച്ചു.
അതിനിടെ, കേരള കോണ്ഗ്രസ് -എം തൃശൂർ ജില്ലാ പ്രസിഡന്റ് എം.ടി. തോമസിനെ തൽസ്ഥാനത്തുനിന്നു നീക്കിയതായും പകരം സി.വി. കുര്യാക്കോസിനെ ആക്ടിംഗ് പ്രസിഡന്റായി നിയമിച്ചതായും ജോസഫ് വിഭാഗം നേതാക്കൾ പത്രക്കുറിപ്പിറക്കി. ജില്ലാ നേതൃയോഗം തോമസ് ഉണ്ണിയാടൻ ഉദ്ഘാടനം ചെയ്തു.
പി.ജെ. ജോസഫ് വിഭാഗത്തിന് കാസർഗോഡ് ജില്ലയിൽ പുതിയ കമ്മിറ്റി നിലവിൽ വന്നു. ജെറ്റോ ജോസഫിനെ പ്രസിഡന്റായി തെരഞ്ഞെടുത്തതായും നിലവിൽ പ്രസിഡന്റായ കുര്യാക്കോസ് പ്ലാപ്പറമ്പിലിനെ പുറത്താക്കിയതായും ആ വിഭാഗം പറഞ്ഞു.
എന്നാൽ,ഏതാനും പേർ പങ്കെടുത്ത യോഗത്തിനു പ്രസിഡന്റ് സ്ഥാനത്തുനിന്നു തന്നെ പുറത്താക്കാൻ അധികാരമില്ലെന്നും ജില്ലയിലെ നേതാക്കളിലും പ്രവർത്തകരിലും 95 ശതമാനം പേരും നിലവിലുള്ള കമ്മിറ്റിയോടൊപ്പമാണെന്നും കുര്യാക്കോസ് പ്ലാപ്പറമ്പിൽ പറഞ്ഞു.