മൂവാറ്റുപുഴ: വിശ്വാസവും പഠനവും സേവനവും വിദ്യാർഥികൾ ജീവിതശൈലിയാക്കണമെന്നു കോതമംഗലം രൂപത ബിഷപ് മാർ ജോർജ് മഠത്തിക്കണ്ടത്തിൽ. മൂവാറ്റുപുഴ നിർമല ഹയർ സെക്കൻഡറി സ്കൂളിൽ നടന്ന കേരള കാത്തലിക് സ്റ്റുഡന്റ്സ് ലീഗ് (കെസിഎസ്എൽ) സംസ്ഥാനതല പ്രവർത്തനോദ്ഘാടനം നിർവഹിക്കുകയായിരുന്നു അദ്ദേഹം.
വിശ്വാസത്തിലൂടെയും പഠനത്തിലൂടെയും സേവനത്തിലൂടെയും സമൂഹത്തിൽ മുൻപന്തിയിലെത്താൻ കെസിഎസ്എൽ അംഗങ്ങൾക്കാകണം. പഠനമെന്നതു നമ്മോടുള്ള ബന്ധമാണെന്നിരിക്കേ, ദൈവവുമായുള്ള ബന്ധമാണു വിശ്വാസത്തിനടിസ്ഥാനം. ദൈവത്തോടുള്ള കടപ്പാട് നിർവഹിക്കാനാകുന്നവർക്കാണ് ഏതു മേഖലയിലും ഉയരങ്ങൾ കീഴടക്കാൻ കഴിയുന്നത്. അന്യന്റെ ദുഃഖങ്ങളിൽ അവനു സഹായമാകുകയെന്നതാണു സേവനമെന്നും ബിഷപ് പറഞ്ഞു. കെസിഎസ്എൽ മാർഗരേഖാ പ്രകാശനവും പഠനോപകരണ കിറ്റ് വിതരണവും അദ്ദേഹം നിർവഹിച്ചു.
കെസിഎസ്എൽ കോതമംഗലം രൂപതയുടെ ആഭിമുഖ്യത്തിൽ നടന്ന സമ്മേളനത്തിൽ സംസ്ഥാന പ്രസിഡന്റ് മാത്തുക്കുട്ടി കുത്തനാപ്പിള്ളിൽ അധ്യക്ഷത വഹിച്ചു. സംസ്ഥാന ഡയറക്ടർ ഫാ. കുര്യൻ തടത്തിൽ മുഖ്യപ്രഭാഷണം നടത്തി. മൂവാറ്റുപുഴ നിർമല എച്ച്എസ്എസ് പ്രിൻസിപ്പൽ റവ. ഡോ. ആന്റണി പുത്തൻകുളം അനുഗ്രഹ പ്രഭാഷണം നടത്തി.
കെസിഎസ്എൽ സംസ്ഥാന ഓർഗനൈസർ സിറിയക് മാത്യു, രൂപത പ്രസിഡന്റ് ജിജോ മാനുവൽ കല്ലുങ്കൽ, സംസ്ഥാന ചെയർപേഴ്സണ് മരിയ ഷാജി, രൂപത ചെയർമാൻ ജോർജി സാജു എന്നിവർ പ്രസംഗിച്ചു. കെസിഎസ്എൽ രൂപത ഡയറക്ടർ ഫാ. സിറിയക് കോടമുള്ളിൽ സ്വാഗതവും സംസ്ഥാന ജനറൽ സെക്രട്ടറി ഫിലിപ്പ് സിബിച്ചൻ നന്ദിയും പറഞ്ഞു. സംസ്ഥാനത്തെ വിവിധ സ്കൂളുകളിൽ നിന്നായി 350ഓളം വിദ്യാർഥികൾ പങ്കെടുത്തു.
ഫാ. സെബാസ്റ്റ്യൻ പോത്തനാമുഴി, സിസ്റ്റർ ലിറ്റിൽ ട്രീസ സിഎംസി, സിസ്റ്റർ കൊച്ചുറാണി എസ്എച്ച്, സിസ്റ്റർ നിർമൽ എസ്എച്ച്, സിസ്റ്റർ റെജിൻ മണിക്കുഴി എസ്എച്ച്, സിസ്റ്റർ സൂസി മരിയ എഫ്സിസി, ലൗഷാ സിറിയക്, പ്രിൻസ് വർഗീസ്, ലിസി ജോസ്, ജോമോൻ ജോസ് തുടങ്ങിയവർ നേതൃത്വം നൽകി.
വിശ്വാസത്തിലൂടെയും പഠനത്തിലൂടെയും സേവനത്തിലൂടെയും സമൂഹത്തിൽ മുൻപന്തിയിലെത്താൻ കെസിഎസ്എൽ അംഗങ്ങൾക്കാകണം. പഠനമെന്നതു നമ്മോടുള്ള ബന്ധമാണെന്നിരിക്കേ, ദൈവവുമായുള്ള ബന്ധമാണു വിശ്വാസത്തിനടിസ്ഥാനം. ദൈവത്തോടുള്ള കടപ്പാട് നിർവഹിക്കാനാകുന്നവർക്കാണ് ഏതു മേഖലയിലും ഉയരങ്ങൾ കീഴടക്കാൻ കഴിയുന്നത്. അന്യന്റെ ദുഃഖങ്ങളിൽ അവനു സഹായമാകുകയെന്നതാണു സേവനമെന്നും ബിഷപ് പറഞ്ഞു. കെസിഎസ്എൽ മാർഗരേഖാ പ്രകാശനവും പഠനോപകരണ കിറ്റ് വിതരണവും അദ്ദേഹം നിർവഹിച്ചു.
കെസിഎസ്എൽ കോതമംഗലം രൂപതയുടെ ആഭിമുഖ്യത്തിൽ നടന്ന സമ്മേളനത്തിൽ സംസ്ഥാന പ്രസിഡന്റ് മാത്തുക്കുട്ടി കുത്തനാപ്പിള്ളിൽ അധ്യക്ഷത വഹിച്ചു. സംസ്ഥാന ഡയറക്ടർ ഫാ. കുര്യൻ തടത്തിൽ മുഖ്യപ്രഭാഷണം നടത്തി. മൂവാറ്റുപുഴ നിർമല എച്ച്എസ്എസ് പ്രിൻസിപ്പൽ റവ. ഡോ. ആന്റണി പുത്തൻകുളം അനുഗ്രഹ പ്രഭാഷണം നടത്തി.
കെസിഎസ്എൽ സംസ്ഥാന ഓർഗനൈസർ സിറിയക് മാത്യു, രൂപത പ്രസിഡന്റ് ജിജോ മാനുവൽ കല്ലുങ്കൽ, സംസ്ഥാന ചെയർപേഴ്സണ് മരിയ ഷാജി, രൂപത ചെയർമാൻ ജോർജി സാജു എന്നിവർ പ്രസംഗിച്ചു. കെസിഎസ്എൽ രൂപത ഡയറക്ടർ ഫാ. സിറിയക് കോടമുള്ളിൽ സ്വാഗതവും സംസ്ഥാന ജനറൽ സെക്രട്ടറി ഫിലിപ്പ് സിബിച്ചൻ നന്ദിയും പറഞ്ഞു. സംസ്ഥാനത്തെ വിവിധ സ്കൂളുകളിൽ നിന്നായി 350ഓളം വിദ്യാർഥികൾ പങ്കെടുത്തു.
ഫാ. സെബാസ്റ്റ്യൻ പോത്തനാമുഴി, സിസ്റ്റർ ലിറ്റിൽ ട്രീസ സിഎംസി, സിസ്റ്റർ കൊച്ചുറാണി എസ്എച്ച്, സിസ്റ്റർ നിർമൽ എസ്എച്ച്, സിസ്റ്റർ റെജിൻ മണിക്കുഴി എസ്എച്ച്, സിസ്റ്റർ സൂസി മരിയ എഫ്സിസി, ലൗഷാ സിറിയക്, പ്രിൻസ് വർഗീസ്, ലിസി ജോസ്, ജോമോൻ ജോസ് തുടങ്ങിയവർ നേതൃത്വം നൽകി.