കൊച്ചി: ലൈന് വലിക്കുന്നതിനിടെ വൈദ്യുതാഘാതമേറ്റു കെഎസ്ഇബി കരാര് തൊഴിലാളി മരിച്ചു. ആലപ്പുഴ തുറവൂര് വളമംഗലം രജിതാനിവാസില് റിട്ട. കൃഷി ഓഫീസര് വാവയുടെ മകന് രജികുമാറാണു (45) മരിച്ചത്. ഇന്നലെ വൈകുന്നേരം 4.20ന് എളംകുളം ചെറുപുഷ്പം പള്ളിക്കു സമീപമായിരുന്നു അപകടം. ഇവിടെ പുതുതായി സ്ഥാപിച്ച പോസ്റ്റിനു മുകളില് ലൈന് വലിക്കുന്നതിനിടെ വൈദ്യുതാഘാതമേല്ക്കുകയായിരുന്നു.
റെജികുമാറിനെ അഗ്നിശമസേനാംഗങ്ങളെത്തി താഴെയിറക്കി മെഡിക്കല് ട്രസ്റ്റ് ആശുപത്രിയില് എത്തിച്ചെങ്കിലും മരിച്ചു. മൃതദേഹം മോര്ച്ചറിയിലേക്കു മാറ്റി. സുരക്ഷാ ബെല്റ്റ് ധരിച്ചിരുന്നതിനാല് തെറിച്ചുവീഴാതെ കമ്പിയില് കുടുങ്ങിയ രജികുമാറിനെ താഴെയിറക്കുമ്പോള് ജീവനുണ്ടായിരുന്നതായി സേനാംഗങ്ങള് പറഞ്ഞു. കൃത്രിമ ശ്വാസോഛ്വാസം നല്കി ആശുപത്രിയിലെത്തിച്ചെങ്കിലും മരണം സംഭവിച്ചു. പണി പൂര്ത്തിയാകുംമുമ്പ് ലൈനിലൂടെ വൈദ്യുതി പ്രവഹിച്ചതാണ് അപകടകാരണമെന്നാണ് പ്രാഥമിക നിഗമനം. സംഭവത്തില് കടവന്ത്ര പോലീസ് കേസെടുത്തു. ഉമാദേവിയാണു രജികുമാറിന്റെ അമ്മ. ഭാര്യ: സവിത. മക്കള്: അഖില്രാജ്, ആര്യ.
റെജികുമാറിനെ അഗ്നിശമസേനാംഗങ്ങളെത്തി താഴെയിറക്കി മെഡിക്കല് ട്രസ്റ്റ് ആശുപത്രിയില് എത്തിച്ചെങ്കിലും മരിച്ചു. മൃതദേഹം മോര്ച്ചറിയിലേക്കു മാറ്റി. സുരക്ഷാ ബെല്റ്റ് ധരിച്ചിരുന്നതിനാല് തെറിച്ചുവീഴാതെ കമ്പിയില് കുടുങ്ങിയ രജികുമാറിനെ താഴെയിറക്കുമ്പോള് ജീവനുണ്ടായിരുന്നതായി സേനാംഗങ്ങള് പറഞ്ഞു. കൃത്രിമ ശ്വാസോഛ്വാസം നല്കി ആശുപത്രിയിലെത്തിച്ചെങ്കിലും മരണം സംഭവിച്ചു. പണി പൂര്ത്തിയാകുംമുമ്പ് ലൈനിലൂടെ വൈദ്യുതി പ്രവഹിച്ചതാണ് അപകടകാരണമെന്നാണ് പ്രാഥമിക നിഗമനം. സംഭവത്തില് കടവന്ത്ര പോലീസ് കേസെടുത്തു. ഉമാദേവിയാണു രജികുമാറിന്റെ അമ്മ. ഭാര്യ: സവിത. മക്കള്: അഖില്രാജ്, ആര്യ.