തൊടുപുഴ: കാസർകോട് പെരിയയിൽ യൂത്ത് കോണ്ഗ്രസ് പ്രവർത്തകർ കൊല്ലപ്പെട്ട സംഭവത്തിൽ പ്രതിഷേധിച്ച് ഹർത്താൽ ആഹ്വാനം ചെയ്തതുമായി ബന്ധപ്പെട്ട് തനിക്കെതിരേ പോലീസ് എടുത്തിരിക്കുന്ന 204 കേസുകളിൽ ഒന്നിൽപോലും ജാമ്യമെടുക്കില്ലെന്ന് നിയുക്ത ഇടുക്കി എംപിയും യൂത്ത് കോണ്ഗ്രസ് സംസ്ഥാന പ്രസിഡന്റുമായ ഡീൻ കുര്യാക്കോസ്. കേസുകളെ രാഷ്ട്രീയമായി തന്നെ നേരിടും. ഇടുക്കി പ്രസ്ക്ലബിന്റെ മീറ്റ് ദി പ്രസ് പരിപാടിയിൽ സംസാരിക്കുകയായിരുന്നു അദ്ദേഹം. കേരളത്തിലെ ഭരണകൂട ഭീകരതയുടെ ഭാഗമായാണ് തനിക്ക് ഇത്രയും കേസുകളിൽ പ്രതിയാകേണ്ടി വന്നത്- അദ്ദേഹം പറഞ്ഞു.