കൊച്ചി: കേരള കാത്തലിക് യൂത്ത് മൂവ്മെന്റ് സംസ്ഥാന സമിതി, തീവ്രവാദപ്രവർത്തനങ്ങളും മതത്തിന്റെ പേരിലുള്ള ഭീകരപ്രവർത്തനങ്ങളും ദേശീയ അന്തർദേശീയ തലങ്ങളിൽ വ്യാപകമാകുന്നതിനെതിരേ ‘’യുവജനങ്ങൾ സമാധാനത്തിന്’’ എന്ന കാന്പയിന് തുടക്കം കുറിക്കുന്നു. അഞ്ചു ഘട്ടങ്ങളിലായി നടപ്പിലാക്കുന്ന കാന്പയിനിൽ പ്രാർഥനാദീപം തെളിക്കൽ, സമാധാന സദസ്, സമാധാന സന്ദേശയാത്ര, സമാധാന നടത്തം (Peace walk), അന്താരാഷ്ട്രപീസ് കോണ്ഫറൻസ് എന്നിങ്ങനെയുള്ള വിവിധ പരിപാടികളാണ് ക്രമീകരിച്ചിരിക്കുന്നത്.
ഇതിന്റെ ഭാഗമായുള്ള പ്രാർഥനാദീപം തെളിക്കൽ എല്ലാ രൂപതകളിലും കെസിവൈഎമ്മിന്റെ നേതൃത്വത്തിൽ നടന്നു വരുന്നു. കേരളത്തിലെ 32 രൂപതകളിലെയും അല്മായ സംഘടനാനേതാക്കളെ പങ്കെടുപ്പിച്ചു തീവ്രവാദം, മതഭീകരവാദം, ലോകസമാധാനം, മതേതരത്വം എന്നീ വിഷയങ്ങൾ അടിസ്ഥാനമാക്കി സംഘടിപ്പിക്കുന്ന സമാധാന സദസ് ജൂണ് മാസത്തിനുള്ളിൽ പൂർത്തിയാകും.
ജൂണ് ഒന്പതിനു തലശേരി അതിരൂപതയുടെ ആതിഥേയത്വത്തിൽ കാസർഗോഡുനിന്നും ആരംഭിക്കുന്ന സമാധാന സന്ദേശയാത്ര 16നു കന്യാകുമാരിയിൽ സമാപിക്കും. തുടർന്ന് ജൂലൈ ഏഴിനു കേരളത്തിലെ എല്ലാ ഇടവക ദേവാലയ അതിർത്തികളിലും രാവിലെ എട്ടിനും 9.30 നും ഇടയ്ക്ക് കെസിവൈഎം നേതൃത്വത്തിൽ സമാധാന നടത്തം സംഘടിപ്പിക്കും.
ഓഗസ്റ്റ് ആദ്യവാരം തിരുവനന്തപുരത്ത് നടക്കുന്ന അന്താരാഷ്ട്രപീസ് കോണ്ഫറൻസിൽ വിവിധ രാജ്യങ്ങളിൽ നിന്നുള്ള യുവജന പ്രതിനിധികൾ പങ്കെടുക്കുമെന്ന് കെസിവൈഎം സംസ്ഥാന പ്രസിഡന്റ് സിറിയക് ചാഴികാടൻ, ജനറൽ സെക്രട്ടറി ബിജോ പി. ബാബു, സംസ്ഥാന ഡയറക്ടർ ഫാ. സ്റ്റീഫൻ തോമസ് ചാലക്കര, എന്നിവർ അറിയിച്ചു. കെസിവൈഎം സംസ്ഥാന ഭാരവാഹികളായ ജോസ് റാൽഫ്, ഡെലിൻ ഡേവിഡ്, തേജസ് മാത്യു, സന്തോഷ് രാജ്, റോസ്മോൾ ജോസ്, കെ.എസ്. ടീന, ഷാരോണ് കെ. റെജി എന്നിവർ പരിപാടികൾക്ക് നേതൃത്വം നല്കും.
ഇതിന്റെ ഭാഗമായുള്ള പ്രാർഥനാദീപം തെളിക്കൽ എല്ലാ രൂപതകളിലും കെസിവൈഎമ്മിന്റെ നേതൃത്വത്തിൽ നടന്നു വരുന്നു. കേരളത്തിലെ 32 രൂപതകളിലെയും അല്മായ സംഘടനാനേതാക്കളെ പങ്കെടുപ്പിച്ചു തീവ്രവാദം, മതഭീകരവാദം, ലോകസമാധാനം, മതേതരത്വം എന്നീ വിഷയങ്ങൾ അടിസ്ഥാനമാക്കി സംഘടിപ്പിക്കുന്ന സമാധാന സദസ് ജൂണ് മാസത്തിനുള്ളിൽ പൂർത്തിയാകും.
ജൂണ് ഒന്പതിനു തലശേരി അതിരൂപതയുടെ ആതിഥേയത്വത്തിൽ കാസർഗോഡുനിന്നും ആരംഭിക്കുന്ന സമാധാന സന്ദേശയാത്ര 16നു കന്യാകുമാരിയിൽ സമാപിക്കും. തുടർന്ന് ജൂലൈ ഏഴിനു കേരളത്തിലെ എല്ലാ ഇടവക ദേവാലയ അതിർത്തികളിലും രാവിലെ എട്ടിനും 9.30 നും ഇടയ്ക്ക് കെസിവൈഎം നേതൃത്വത്തിൽ സമാധാന നടത്തം സംഘടിപ്പിക്കും.
ഓഗസ്റ്റ് ആദ്യവാരം തിരുവനന്തപുരത്ത് നടക്കുന്ന അന്താരാഷ്ട്രപീസ് കോണ്ഫറൻസിൽ വിവിധ രാജ്യങ്ങളിൽ നിന്നുള്ള യുവജന പ്രതിനിധികൾ പങ്കെടുക്കുമെന്ന് കെസിവൈഎം സംസ്ഥാന പ്രസിഡന്റ് സിറിയക് ചാഴികാടൻ, ജനറൽ സെക്രട്ടറി ബിജോ പി. ബാബു, സംസ്ഥാന ഡയറക്ടർ ഫാ. സ്റ്റീഫൻ തോമസ് ചാലക്കര, എന്നിവർ അറിയിച്ചു. കെസിവൈഎം സംസ്ഥാന ഭാരവാഹികളായ ജോസ് റാൽഫ്, ഡെലിൻ ഡേവിഡ്, തേജസ് മാത്യു, സന്തോഷ് രാജ്, റോസ്മോൾ ജോസ്, കെ.എസ്. ടീന, ഷാരോണ് കെ. റെജി എന്നിവർ പരിപാടികൾക്ക് നേതൃത്വം നല്കും.