2018ൽ പുറത്തിറങ്ങിയ കെ.ജി.എഫ് ചാപ്റ്റർ 1 വന്പൻ ഹിറ്റായിരുന്നു. പ്രശാന്ത് നീൽ എഴുതി സംവിധാനം ചെയ്ത ചിത്രത്തെ തെന്നിന്ത്യ മുഴുവൻ ഏറ്റെടുത്തിരുന്നു. കന്നഡ, തെലുങ്ക്, തമിഴ്, മലയാളം, ഹിന്ദി ഭാഷകളിലാണ് ചിത്രം പുറത്തിറങ്ങിയത്.
യഷ് നായകനായ ചിത്രത്തിന്‍റെ രണ്ടാം ഭാഗം കെജിഎഫ് 2’വിന്‍റെ റിലീസ് പ്രഖ്യാപിച്ചു. ഒക്ടോബര്‍ 23ന് ചിത്രം തിയേറ്ററുകളിലെത്തും. വിജയ് കിരഗണ്ടൂര്‍ തന്നെയാണ് രണ്ടാം ഭാഗത്തിന്‍റെയും നിർമാതാവ്.
ചിത്രത്തിന്‍റെ പോസ്റ്റര്‍ യഷ് സോഷ്യല്‍ മീഡിയയിലൂടെ പുറത്തുവിട്ടു. സഞ്ജയ് ദത്ത്, ശ്രീനിധി ഷെട്ടി, രവീണ ടണ്ടണ്‍ തുടങ്ങിയ വന്‍ താരനിരയാണ് രണ്ടാം ഭാഗത്തിൽ അണിനിരക്കുന്നത്. അദീര എന്ന കഥാപാത്രമായാണ് സഞ്ജയ് ദത്ത് വേഷമിടുന്നത്.
കോലാറിന്‍റെ സ്വര്‍ണഖനിയുടെ പശ്ചാത്തലത്തില്‍ റോക്കി എന്ന അധോലോക നായകന്‍റെ കഥയാണ് ചിത്രം പറയുന്നത്.
