പത്തനംതിട്ട: ജൂണ് മൂന്നിനു തന്നെ ഒന്നാംവർഷ ഹയർ സെക്കൻഡറി ക്ലാസുകളും തുടങ്ങാനായി പ്രവേശന നടപടി വേഗത്തിലാക്കിയതു സ്കൂൾ അധികൃതരെയും വിദ്യാർഥികളെയും പ്രതിസന്ധിയിലാക്കി.
ഒന്നാം ഘട്ട അലോട്ട്മെന്റ് ഇന്നലെ അവസാനിച്ചു. അലോട്ട്മെന്റ് പട്ടിക 24നാണ് പ്രസിദ്ധീകരിച്ചത്. അലോട്ട്മെന്റ് പട്ടിക പുറത്തുവന്ന ദിനമുൾപ്പെടെ സ്കൂളുകളിൽ ചേരാൻ മൂന്നു ദിവസമാണു കുട്ടികൾക്കു ലഭിച്ചത്. പല സ്കൂളുകളിലും ടിസി വിതരണം അടക്കം താമസിച്ചതിനാൽ അലോട്ട്മെന്റ് ലഭിച്ച ഭൂരിഭാഗം കുട്ടികളും അവസാന ദിനമായ ഇന്നലെയാണ് പ്രവേശനം നേടിയത്. പ്രതീക്ഷിച്ച സ്കൂളുകൾ ലഭിക്കാത്ത കുട്ടികൾ താത്കാലികമായാണു പ്രവേശനം നേടിയിരിക്കുന്നത്. രണ്ടാംഘട്ട അലോട്ട്മെന്റ് 31നാണ്. ഈ പട്ടിക പുറത്തുവന്നാൽ ജൂണ് ഒന്നുവരെ പ്രവേശന നടപടി നീണ്ടേക്കാം. അതോടെ രണ്ടാംഘട്ട അലോട്ട്മെന്റും അവസാനിക്കും. മൂന്നിനു ക്ലാസുകൾ തുടങ്ങുന്പോൾ മിക്ക സ്കൂളുകളിലും സീറ്റുകൾ ഒഴിഞ്ഞു കിടക്കാനിടയുണ്ട്.
ഒന്നാം ഘട്ട അലോട്ട്മെന്റ് ഇന്നലെ അവസാനിച്ചു. അലോട്ട്മെന്റ് പട്ടിക 24നാണ് പ്രസിദ്ധീകരിച്ചത്. അലോട്ട്മെന്റ് പട്ടിക പുറത്തുവന്ന ദിനമുൾപ്പെടെ സ്കൂളുകളിൽ ചേരാൻ മൂന്നു ദിവസമാണു കുട്ടികൾക്കു ലഭിച്ചത്. പല സ്കൂളുകളിലും ടിസി വിതരണം അടക്കം താമസിച്ചതിനാൽ അലോട്ട്മെന്റ് ലഭിച്ച ഭൂരിഭാഗം കുട്ടികളും അവസാന ദിനമായ ഇന്നലെയാണ് പ്രവേശനം നേടിയത്. പ്രതീക്ഷിച്ച സ്കൂളുകൾ ലഭിക്കാത്ത കുട്ടികൾ താത്കാലികമായാണു പ്രവേശനം നേടിയിരിക്കുന്നത്. രണ്ടാംഘട്ട അലോട്ട്മെന്റ് 31നാണ്. ഈ പട്ടിക പുറത്തുവന്നാൽ ജൂണ് ഒന്നുവരെ പ്രവേശന നടപടി നീണ്ടേക്കാം. അതോടെ രണ്ടാംഘട്ട അലോട്ട്മെന്റും അവസാനിക്കും. മൂന്നിനു ക്ലാസുകൾ തുടങ്ങുന്പോൾ മിക്ക സ്കൂളുകളിലും സീറ്റുകൾ ഒഴിഞ്ഞു കിടക്കാനിടയുണ്ട്.