ഒരു സിബിഐ ഡയറിക്കുറിപ്പ്, ജാഗ്രത, സേതുരാമയ്യർ സി.ബി.ഐ, നേരറിയാൻ സി.ബി.ഐ തുടങ്ങിയ സിബിഐ സീരീസിൽ വീണ്ടും ഒരു ചിത്രം ഒരുങ്ങുന്ന വാർത്ത നേരത്തെ തന്നെ പുറത്തു വന്നിരുന്നു. ഇപ്പോഴിതാ ചിത്രത്തിന്റെ പ്രീ-പ്രൊഡക്ഷൻ ജോലികൾ തുടങ്ങിയെന്ന സൂചനകൾ തരുന്ന ഒരു ചിത്രമാണ് സോഷ്യൽ മീഡിയയിൽ വൈറലായിരിക്കുന്നത്.
എസ്.എൻ സ്വാമിയും കെ. മധുവും കൂടെ മറ്റു ചിലരും നിൽക്കുന്ന ചിത്രമാണ് വൈറലായിരിക്കുന്നത്. എസ്.എൻ സ്വാമിയുടെ തിരക്കഥയിൽ മമ്മൂട്ടി സേതുരാമയ്യർ എന്ന നായക കഥാപാത്രമായി എത്തിയ എത്തിയ സി.ബി.ഐ ചിത്രങ്ങൾ സംവിധാനം ചെയ്തത് കെ.മധുവാണ്.
വീണ്ടും കെ.മധുവും എസ്.എൻ. സ്വാമിയും മമ്മൂട്ടിയും നിർമാതാവായ സ്വർഗചിത്ര അപ്പച്ചനും സിബിഐ സീരീസിലെ അഞ്ചാം ഭാഗം വന്പൻ ഹിറ്റാകുമെന്ന പ്രതീക്ഷയിലാണ് പ്രേക്ഷകർ.