മൃഗവേട്ടക്കേസിലെ പ്രതികളെ നായയെ വിട്ടു കടിപ്പിച്ചെന്ന പരാതിയിൽ കേസെടുത്തു

പീ​രു​മേ​ട്: കാ​ട്ടു​പോ​ത്തി​നെ വേ​ട്ട​യാ​ടി​യ കേ​സി​ൽ പ്ര​തി​ചേ​ർ​ക്ക​പ്പെ​ട്ട​വ​രെ വ​ന​പാ​ല​ക​ർ മ​ർ​ദി​ക്കു​ക​യും നാ​യ​യെക്കൊ​ണ്ട് ക​ടി​പ്പി​ക്കു​ക​യും ചെ​യ്തെ​ന്ന പ​രാ​തി​യി​ൽ സം​സ്ഥാ​ന മ​നു​ഷ്യാ​വ​കാ​ശ ക​മ്മീ​ഷ​ൻ കേ​സെ​ടു​ത്തു. സം​സ്ഥാ​ന വ​നംവ​കു​പ്പ്, വ​നംവ​കു​പ്പ് അ​ഴു​ത റേ​ഞ്ച് ഓ​ഫീ​സ്, ജി​ല്ലാ ക​ള​ക്ട​ർ എ​ന്നി​വ​രെ പ്ര​തിചേ​ർ​ത്താ​ണ് കേ​സെ​ടു​ത്തി​രി​ക്കു​ന്ന​ത്.

മ​നു​ഷ്യാ​വ​കാ​ശ പ്ര​വ​ർ​ത്ത​ക​നും അ​ന്താ​രാ​ഷ്‌​ട്ര സ​മാ​ധാ​ന സം​ഘ​ട​നാ അം​ഗ​വു​മാ​യ ഡോ.​ഗി​ന്ന​സ് മാ​ട​സ്വാ​മി ന​ൽ​കി​യ പ​രാ​തി​യി​ലാ​ണു ക​മ്മീഷ​ന്‍റെ ന​ട​പ​ടി. കാ​ട്ടു​പോ​ത്തി​നെ വേ​ട്ട​യാ​ടി​യ സം​ഭ​വ​ത്തി​ൽ അ​റ​സ്റ്റി​ലാ​യ ആ​ദി​വാ​സി യു​വാ​ക്ക​ളെ വ​ന​പാ​ല​ക​ർ ക്രൂ​ര​മാ​യി മ​ർ​ദി​ക്കു​ക​യും ഒ​ന്നാം പ്ര​തി​യെ ഡോ​ഗ് സ്ക്വാ​ഡി​ലെ നാ​യ​യെക്കൊണ്ടു​ക​ടി​പ്പി​ക്കു​ക​യും ചെ​യ്ത​താ​യി ആ​രോ​പ​ണം ഉ​യ​ർ​ന്നി​രു​ന്നു. പ​രി​ക്കേ​റ്റ ഇ​യാ​ളെ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു പേ​വി​ഷ ബാ​ധ​യ്ക്കു​ള്ള വാ​ക്സി​നേ​ഷ​ൻ ന​ൽ​കി​യി​രു​ന്നു. സം​ഭ​വ​ത്തി​ൽ ജ​ന​പ്ര​തി​നി​ധി​ക​ൾ അ​ട​ക്കം പ്ര​തി​ഷേ​ധസ​മ​ര​വു​മാ​യി എ​ത്തി. വ​ന​പാ​ല​ക​രു​ടെ ന​ട​പ​ടി​ക​ളെ​ക്കു​റി​ച്ചു വി​ശ​ദ അ​ന്വേ​ഷ​ണം ആ​വ​ശ്യ​പ്പെ​ട്ടാ​ണു മാ​ട​സ്വാ​മി പ​രാ​തി ന​ൽ​കി​യ​ത്.