കട്ടപ്പന: അമ്മയെ ഷോക്കടിപ്പിച്ചു കൊലപ്പെടുത്താൻ ശ്രമിച്ച കേസിൽ മകനെ അറസ്റ്റ് ചെയ്തു. കുമളി ചെങ്കര എച്ച്എംഎൽ എസ്റ്റേറ്റ് സ്വദേശി രാജേന്ദ്രനാ(49) ണ് പിടിയിലായത്. വെള്ളിയാഴ്ച ഉച്ചയോടെയാണു സംഭവം.
ബന്ധുവിട്ടിൽ പോയി തിരികെ എത്തിയ രാജേന്ദ്രന്റെ അമ്മ മരിയ ശെൽവം(71) വാതിൽ തുറക്കുന്നതിനിടെ വൈദ്യുതാഘാതമേറ്റു തെറിച്ചു വീഴുകയായിരുന്നു. ഉടൻതന്നെ നാട്ടുകാർ ഇവരെ കുമളിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
തുടർന്നു നാട്ടുകാർ നടത്തിയ പരിശോധനയിൽ സ്വിച്ച് ബോർഡിൽ നിന്നും വാതിലിന്റെ പൂട്ടിലേക്കു വയർ ഘടിപ്പിച്ചിരുന്നതായി കണ്ടെത്തി. വിവരം കുമളി പോലിസിൽ അറിയിക്കുകയായിരുന്നു. തുടർന്ന് രാജേന്ദ്രനെ കസ്റ്റഡിയിലെടുത്തു. രാജേന്ദ്രൻ അമ്മയോടു പെൻഷൻ തുക ആവശ്യപ്പെട്ടപ്പോൾ നൽകാത്തതിന്റെ വൈരാഗ്യത്തിൽ ചെയ്തതാണെന്നു പോലിസിന്റെ അന്വേഷണത്തിൽ കണ്ടെത്തി. പ്രതിക്കെതിരേ കൊലപാതക ശ്രമത്തിനു പോലീസ് കേസെടുത്തു. പ്രതിയെ ഇന്നു കോടതിയിൽ ഹാജരാക്കും.
ബന്ധുവിട്ടിൽ പോയി തിരികെ എത്തിയ രാജേന്ദ്രന്റെ അമ്മ മരിയ ശെൽവം(71) വാതിൽ തുറക്കുന്നതിനിടെ വൈദ്യുതാഘാതമേറ്റു തെറിച്ചു വീഴുകയായിരുന്നു. ഉടൻതന്നെ നാട്ടുകാർ ഇവരെ കുമളിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
തുടർന്നു നാട്ടുകാർ നടത്തിയ പരിശോധനയിൽ സ്വിച്ച് ബോർഡിൽ നിന്നും വാതിലിന്റെ പൂട്ടിലേക്കു വയർ ഘടിപ്പിച്ചിരുന്നതായി കണ്ടെത്തി. വിവരം കുമളി പോലിസിൽ അറിയിക്കുകയായിരുന്നു. തുടർന്ന് രാജേന്ദ്രനെ കസ്റ്റഡിയിലെടുത്തു. രാജേന്ദ്രൻ അമ്മയോടു പെൻഷൻ തുക ആവശ്യപ്പെട്ടപ്പോൾ നൽകാത്തതിന്റെ വൈരാഗ്യത്തിൽ ചെയ്തതാണെന്നു പോലിസിന്റെ അന്വേഷണത്തിൽ കണ്ടെത്തി. പ്രതിക്കെതിരേ കൊലപാതക ശ്രമത്തിനു പോലീസ് കേസെടുത്തു. പ്രതിയെ ഇന്നു കോടതിയിൽ ഹാജരാക്കും.