തെന്നിന്ത്യൻ ഗ്ലാമർ താരം ചാർമി പുലിവാല് പിടിച്ചിരിക്കുകയാണ്. കൊറോണ വൈറസിന്‍റെ സാന്നിധ്യം പല രാജ്യങ്ങളിൽ നിന്നും റിപ്പോർട്ട് ചെയ്യുന്പോൾ ഹായ് കൊറോണ വന്നേ എന്നു പറഞ്ഞ് സന്തോഷിക്കുന്ന ചാർമിയുടെ വീഡിയോ ആണ് സോഷ്യൽ മീഡിയയിൽ വൻ പ്രതിഷേധത്തിന് ഇടയാക്കിയത്. ചാർമിയുടെ ടിക് ടോക്ക് വീഡിയോ വൈറലായതോടെ സോഷ്യൽ മീഡിയയിലെങ്ങും പ്രതിഷേധം കനത്തു. ഇതോടെ ചാർമി മാപ്പ് പറഞ്ഞിരിക്കുകയാണ്.
'ഓള്‍ ദ ബെസ്റ്റ് ഗയ്സ്,. കൊറോണ ഡല്‍ഹിയിലും തെലുങ്കാനയിലും എത്തിയെന്നാണ് വാർത്തകളിലുള്ളത്. ഓള്‍ ദ ബെസ്റ്റ്, കൊറോണ എത്തിയിരിക്കുന്നു'' - ഇങ്ങനെയായിരുന്നു ചാര്‍മി പൊട്ടിച്ചിരിച്ചുകൊണ്ടു പറഞ്ഞത്.
എന്തായാലും സോഷ്യൽ മീഡിയ വടിയെടുത്തതോടെ പക്വതയില്ലായ്മ കാരണമാണ് താനിത്തരമൊരു പ്രതികരണം നടത്തിയതെന്നും മാപ്പ് ചോദിക്കുന്നതായും ചാര്‍മി പറഞ്ഞു. വിവാദ വീഡിയോ ഡിലീറ്റ് ചെയ്യുകയും ചെയ്തിട്ടുണ്ട്. ഭാവിയില്‍ കൂടുതല്‍ ശ്രദ്ധ പുലര്‍ത്തുമെന്നും താരം പറഞ്ഞു.
