കൊച്ചി: ആന്ധ്രാ ഹൈക്കോടതിയിൽനിന്ന് സ്ഥലംമാറിയെത്തിയ ജസ്റ്റീസ് എസ്. വെങ്കട നാരായണ ഭട്ടി കേരള ഹൈക്കോടതി ജഡ്ജിയായി ചുമതലയേറ്റു. ചീഫ് ജസ്റ്റീസ് ഋഷികേശ് റോയ് സത്യവാചകം ചൊല്ലിക്കൊടുത്തു. ആന്ധ്രയിലെ ചിറ്റൂർ മദനപ്പള്ളി സ്വദേശിയാണ് ജസ്റ്റീസ് ഭട്ടി. ആന്ധ്ര ഹൈക്കോടതിയിൽ സീനിയർ ഗവണ്മെന്റ് പ്ലീഡറായിരുന്ന വെങ്കട നാരായണ ഭട്ടി 2013 ഏപ്രിൽ 12 നാണ് ഹൈക്കോടതി ജഡ്ജിയായി ചുമതലയേറ്റത്.
