കോട്ടയം: മൂല്യനിർണയവും പരീക്ഷ നടത്തിപ്പും അതിവേഗത്തിലാക്കാനൊരുങ്ങി എംജി സർവകലാശാല. സർവകലാശാല അസംബ്ലി ഹാളിൽ നടന്ന കോളജ് പ്രിൻസിപ്പൽമാരുടെ യോഗം സർവകലാശാലയുടെ നടപടികൾക്ക് സർവ പിന്തുണയും അറിയിച്ചു. ഒന്ന്, ആറ് സെമസ്റ്റർ ബിരുദ പരീക്ഷകളുടെ മൂല്യനിർണയം ഏപ്രിൽ ഒന്നിന് ആരംഭിച്ച് ആറു ദിവസംകൊണ്ടു പൂർത്തീകരിക്കും. ഇതിനായി എട്ട് കേന്ദ്രീകൃത മൂല്യനിർണയ ക്യാമ്പ് നടത്തും. ഏപ്രിൽ 30നകം ഫലപ്രഖ്യാപനം നടത്തുകയാണ് ലക്ഷ്യം. ഇതിനായി മാർച്ച് 31നകം അവസാന വർഷ ബിരുദ പരീക്ഷകളുടെ പ്രാക്ടിക്കലും പ്രോജക്ട് ഇവാല്യുവേഷനും പൂർത്തീകരിക്കും.
കഴിഞ്ഞ വർഷം മേയ് 15ന് ബിരുദഫലം പ്രഖ്യാപിച്ചതിനാൽ പിജി പ്രവേശനത്തിനു വിദ്യാർഥികൾക്കു കൂടുതൽ അവസരം ലഭിച്ചിരുന്നു. എല്ലാ അധ്യാപകരും ഏപ്രിൽ ഒന്നിന് മൂല്യനിർണയ ക്യാന്പിൽ എത്തുന്നതിന് നടപടി സ്വീകരിക്കാൻ പ്രിൻസിപ്പൽമാർക്ക് നിർദേശം നൽകി. മൂന്നാം സെമസ്റ്റർ പരീക്ഷയുടെ മൂല്യനിർണയം മാർച്ച് അഞ്ചിന് ആരംഭിക്കും. മൂന്നു ദിവസംകൊണ്ടു മൂല്യനിർണയം പൂർത്തീകരിക്കുകയാണു ലക്ഷ്യം.
നാലാം സെമസ്റ്റർ പരീക്ഷകൾ മേയ് മൂന്നിനും രണ്ടാം സെമസ്റ്റർ പരീക്ഷകൾ മേയ് രണ്ടിനും ആരംഭിക്കും. നാലാം സെമസ്റ്റർ പരീക്ഷകൾക്ക് മുന്പായിത്തന്നെ മൂന്നാം സെമസ്റ്റർ ഫലം പ്രഖ്യാപിക്കുകയാണ് ലക്ഷ്യം.
നാലാം സെമസ്റ്റർ ബിരുദാനന്തര ബിരുദ പരീക്ഷകൾ മേയ് ആദ്യ ആഴ്ച ആരംഭിക്കും. പരീക്ഷാ ഫലം ജൂണ് 15നകം പ്രഖ്യാപിക്കാനുള്ള നടപടികളാണ് പുരോഗമിക്കുന്നത്. ജൂണ് 15നകം ഫലം വരുന്നതു മൂലം ഉന്നത വിദ്യാഭ്യാസ കോഴ്സുകൾക്കു രാജ്യത്താകമാനം അപേക്ഷിക്കാനുള്ള അവസരം വിദ്യാർഥികൾക്കു ലഭിക്കും. ബിരുദ, ബിരുദാനന്തര ബിരുദ കോഴ്സുകളിലേക്ക് പ്രവേശനത്തിനുള്ള അപേക്ഷ സമർപ്പിക്കാൻ മേയ് 15ന് പോർട്ടൽ തുറക്കും. ജൂണ് ആദ്യവാരത്തോടെ പ്രവേശന നടപടി പൂർത്തീകരിച്ച് ജൂലൈ 15ഓടെ പ്രവേശനം അവസാനിപ്പിക്കുകയാണ് ലക്ഷ്യം.
കഴിഞ്ഞ വർഷം മേയ് 15ന് ബിരുദഫലം പ്രഖ്യാപിച്ചതിനാൽ പിജി പ്രവേശനത്തിനു വിദ്യാർഥികൾക്കു കൂടുതൽ അവസരം ലഭിച്ചിരുന്നു. എല്ലാ അധ്യാപകരും ഏപ്രിൽ ഒന്നിന് മൂല്യനിർണയ ക്യാന്പിൽ എത്തുന്നതിന് നടപടി സ്വീകരിക്കാൻ പ്രിൻസിപ്പൽമാർക്ക് നിർദേശം നൽകി. മൂന്നാം സെമസ്റ്റർ പരീക്ഷയുടെ മൂല്യനിർണയം മാർച്ച് അഞ്ചിന് ആരംഭിക്കും. മൂന്നു ദിവസംകൊണ്ടു മൂല്യനിർണയം പൂർത്തീകരിക്കുകയാണു ലക്ഷ്യം.
നാലാം സെമസ്റ്റർ പരീക്ഷകൾ മേയ് മൂന്നിനും രണ്ടാം സെമസ്റ്റർ പരീക്ഷകൾ മേയ് രണ്ടിനും ആരംഭിക്കും. നാലാം സെമസ്റ്റർ പരീക്ഷകൾക്ക് മുന്പായിത്തന്നെ മൂന്നാം സെമസ്റ്റർ ഫലം പ്രഖ്യാപിക്കുകയാണ് ലക്ഷ്യം.
നാലാം സെമസ്റ്റർ ബിരുദാനന്തര ബിരുദ പരീക്ഷകൾ മേയ് ആദ്യ ആഴ്ച ആരംഭിക്കും. പരീക്ഷാ ഫലം ജൂണ് 15നകം പ്രഖ്യാപിക്കാനുള്ള നടപടികളാണ് പുരോഗമിക്കുന്നത്. ജൂണ് 15നകം ഫലം വരുന്നതു മൂലം ഉന്നത വിദ്യാഭ്യാസ കോഴ്സുകൾക്കു രാജ്യത്താകമാനം അപേക്ഷിക്കാനുള്ള അവസരം വിദ്യാർഥികൾക്കു ലഭിക്കും. ബിരുദ, ബിരുദാനന്തര ബിരുദ കോഴ്സുകളിലേക്ക് പ്രവേശനത്തിനുള്ള അപേക്ഷ സമർപ്പിക്കാൻ മേയ് 15ന് പോർട്ടൽ തുറക്കും. ജൂണ് ആദ്യവാരത്തോടെ പ്രവേശന നടപടി പൂർത്തീകരിച്ച് ജൂലൈ 15ഓടെ പ്രവേശനം അവസാനിപ്പിക്കുകയാണ് ലക്ഷ്യം.