യുട്യൂബിൽ പ്രേക്ഷകരുടെ ഇഷ്ട വെബ്സീരീസായ കരിക്കിലെ താരം അമേയ തന്നെ ചൊറിയാൻ വന്നയാൾക്ക് കണക്കിന് മറുപടി കൊടുത്തതാണ് ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. ഇൻസ്റ്റഗ്രാമിൽ അമേയ പങ്കുവെച്ച ഫോട്ടോയെ ചൊല്ലിയാണ് ചർച്ചകൾ പൊടിപൊടിക്കുന്നത്.
ഫോട്ടോ കൊള്ളാമെങ്കിലും ഇത് ഇത്തിരി കൂടി പ്പോയില്ലേയെന്ന മട്ടിൽ കമന്‍റുകൾ വന്നപ്പോളാണ് അമേയ മറുപടിയുമായി രംഗത്തെത്തിയത്. ഏത് വസ്ത്രം ധരിക്കണമെന്നത് തന്‍റെ ഇഷ്ടമാണെന്നും, താന്‍ പണ്ടുമുതല്‍ തന്നെ ഇത്തരം വസ്ത്രങ്ങള്‍ ധരിക്കാറുണ്ടെന്നും അമേയ പറഞ്ഞു. അപ്പോഴൊന്നുമില്ലാത്ത കുരുപൊട്ടലാ ഇപ്പോ ചിലര്‍ക്കെന്നായിരുന്നു അമേയ പറഞ്ഞത്. ഇതൊന്നും താന്‍ വകവയ്ക്കുന്നില്ലെന്നും അമേയ പറഞ്ഞു.
