കോട്ടയം: സാഹിത്യകാരൻ ടി. പത്മനാഭൻ, വ്യവസായി എം.എ. യൂസഫ് അലി എന്നിവരെ എംജി യൂണിവേഴ്സിറ്റി ഓണററി ഡോക്ടറേറ്റ് നൽകി ആദരിക്കും. മലയാള സാഹിത്യത്തിനു നൽകിയ സംഭാവനകളുടെ അംഗീകാരമായാണു മലയാള കഥയുടെ കുലപതി ടി. പത്മനാഭനു ഡോക്ടറേറ്റ് നൽകുക. വ്യവസായ, വ്യാപാര രംഗങ്ങളിലെ മികച്ച സംഭാവനകൾക്കുള്ള അംഗീകാരമായാണു പ്രമുഖ വ്യവസായി എം.എ. യൂസഫ് അലിക്കും ഡി. ലിറ്റ് സമ്മാനിക്കുന്നത്.
