കോട്ടയം: ഇന്നലെ ശബരിമലയിൽ പാതിരാസമയത്തു നടത്തിയ കിരാതമായ പോലീസ് നടപടിയെക്കുറിച്ച് ജുഡീഷൽ അന്വേഷണം നടത്തണമെന്ന് കേരള കോൺഗ്രസ് ചെയർമാനും എൻഡിഎ ദേശീയ സമിതി അംഗവുമായ പി.സി. തോമസ്. ലക്ഷക്കണക്കിനു ഭക്തർ കൂടുന്ന സ്ഥലത്ത് 144 പ്രഖ്യാപിച്ചതും ഒരു കാരണവശാലും അംഗീകരിക്കാനാവുന്നതല്ല. മതവിശ്വാസം തെറ്റാണെന്നു വിചാരിക്കുന്ന ഒരു പാർട്ടിയും അവരുടെ നേതാക്കളും കാട്ടുന്ന ധിക്കാരപരമായ നീക്കങ്ങളാണ് ശബരിമലയിൽ നടക്കുന്നത്. ഇതിനെതിരേ ഹൈക്കോടതിയെ സമീപിക്കുമെന്നും പി.സി. തോമസ് പറഞ്ഞു.
