കോട്ടയം: സന്നിധാനത്ത് കഴിഞ്ഞ ദിവസം 52 വയസുള്ള സ്ത്രീയെ തടഞ്ഞ കേസിൽ പത്തനംതിട്ട പോലീസ് തയാറാക്കിയ 150 പേരുടെ ചിത്രങ്ങൾ അടങ്ങിയ ആൽബം പോലീസ് എല്ലാ ജില്ലകളിലേക്കും അയച്ചുകൊടുത്തു.
സ്ത്രീയെ തടഞ്ഞ സംഭവത്തിൽ ഉൾപ്പെട്ടവരുടെ ചിത്രങ്ങളാണു തിരിച്ചറിയാനായി പോലീസിന് അയച്ചു കൊടുത്തത്. ഇതിൽപ്പെട്ടവരെ തിരിച്ചറിഞ്ഞാൽ അറസ്റ്റ്ചെയ്തു പത്തനംതിട്ട പോലീസിനു കൈമാറാനാണു നിർദേശം.
സന്നിധാനത്തെ സംഘർഷത്തിൽ അന്ന് 200 പേർക്കെതിരേ സന്നിധാനം പോലീസ് കേസെടുത്തിരുന്നു. ഇതിൽ ഒരാളെ അറസ്റ്റു ചെയ്തിട്ടുണ്ട്. സ്ത്രീയെ തടയുന്ന സമയത്തു തിക്കിത്തിരക്കിയ ആൾക്കൂട്ടത്തിലുള്ളവരുടെയൊക്കെ ചിത്രങ്ങൾ ആൽബത്തിൽ ഉൾപ്പെടുത്തിയിട്ടുണ്ട്. ഇവരെല്ലാം കേസിൽ കുടുങ്ങും. വിവിധ ജില്ലാ പോലീസ് ആസ്ഥാനത്തേക്ക് അയച്ചുകൊടുത്ത ചിത്രങ്ങൾ പോലീസ് സ്റ്റേഷനുകൾ വഴി തിരിച്ചറിയാനുള്ള നടപടി തുടങ്ങി.
സ്ത്രീയെ തടഞ്ഞ സംഭവത്തിൽ ഉൾപ്പെട്ടവരുടെ ചിത്രങ്ങളാണു തിരിച്ചറിയാനായി പോലീസിന് അയച്ചു കൊടുത്തത്. ഇതിൽപ്പെട്ടവരെ തിരിച്ചറിഞ്ഞാൽ അറസ്റ്റ്ചെയ്തു പത്തനംതിട്ട പോലീസിനു കൈമാറാനാണു നിർദേശം.
സന്നിധാനത്തെ സംഘർഷത്തിൽ അന്ന് 200 പേർക്കെതിരേ സന്നിധാനം പോലീസ് കേസെടുത്തിരുന്നു. ഇതിൽ ഒരാളെ അറസ്റ്റു ചെയ്തിട്ടുണ്ട്. സ്ത്രീയെ തടയുന്ന സമയത്തു തിക്കിത്തിരക്കിയ ആൾക്കൂട്ടത്തിലുള്ളവരുടെയൊക്കെ ചിത്രങ്ങൾ ആൽബത്തിൽ ഉൾപ്പെടുത്തിയിട്ടുണ്ട്. ഇവരെല്ലാം കേസിൽ കുടുങ്ങും. വിവിധ ജില്ലാ പോലീസ് ആസ്ഥാനത്തേക്ക് അയച്ചുകൊടുത്ത ചിത്രങ്ങൾ പോലീസ് സ്റ്റേഷനുകൾ വഴി തിരിച്ചറിയാനുള്ള നടപടി തുടങ്ങി.