പ്രിയദർശൻ സംവിധാനം ചെയ്യുന്ന മരയ്ക്കാർ അറബിക്കടലിന്റെ സിംഹം മാർച്ച് 26ന് തീയറ്ററുകളിലെത്തും. ചിത്രത്തിൽ മോഹൻലാൽ ആണ് നായകൻ. സാമൂതിരി രാജവംശത്തിന്റെ നാവികമേധാവിയായിരുന്ന കുഞ്ഞാലി മരയ്ക്കാറുടെ കഥ പറയുന്ന ചിത്രമാണിത്. ഒപ്പം എന്ന ചിത്രത്തിന് ശേഷം മോഹൻലാലും പ്രിയദർശനും ഒന്നിക്കുന്ന ചിത്രം കൂടിയാണ് മരയ്ക്കാർ.
മഞ്ജു വാര്യർ, കീർത്തി സുരേഷ്, കല്യാണി പ്രിയദർശൻ എന്നിവരാണ് ചിത്രത്തിലെ പ്രധാന സ്ത്രീ കഥാപാത്രങ്ങളെ അവതരിപ്പിക്കുന്നത്. മോഹൻലാലിന്റെ ചെറുപ്പ കാലം അവതരിപ്പിക്കുന്നത് പ്രണവ് മോഹൻലാലാണ്. ബോളിവുഡ് താരം സുനിൽ ഷെട്ടി, സംവിധായകൻ ഫാസിൽ, സിദ്ദിഖ്, മുകേഷ്, നെടുമുടി വേണു, പ്രഭു, അശോക് സെൽവൻ, അർജുൻ സർജ എന്നിങ്ങനെ വന്പൻ താരനിരയാണ് ചിത്രത്തിൽ അണിനിരക്കുന്നത്.
ആശിർവാദ് സിനിമാസ്, മൂൺഷോട്ട് എന്റർടെയ്ൻമെന്റ്, കോൺഫിഡന്റ് ഗ്രൂപ്പ് എന്നീ ബാനറുകളിലാണ് സിനിമ നിർമിക്കുന്നത്.