കൊച്ചി: പൊതുമേഖലാ പെട്രോളിയം കന്പനികൾ മുഖ്യമന്ത്രിയുടെ ദുരിതാശ്വാസനിധിയിലേക്ക് 25 കോടി രൂപ നല്കി. ഈ തുകയുടെ ചെക്ക് പെട്രോളിയം മന്ത്രാലയത്തിനുവേണ്ടി കേന്ദ്ര ടൂറിസം മന്ത്രി അൽഫോൻസ് കണ്ണന്താനം, വി. മുരളീധരൻ എംപി, ബിപിസിഎൽ കൊച്ചി റിഫൈനറി എക്സിക്യൂട്ടീവ് ഡയറക്ടർ പ്രസാദ് കെ. പണിക്കർ, ഇന്ത്യൻ ഓയിൽ കോർപറേഷന്റെയും ഹിന്ദുസ്ഥാൻ പെട്രോളിയം കോർപ്പറേഷന്റെയും പ്രതിനിധികൾ എന്നിവരുടെ സാന്നിധ്യത്തിൽ മുഖ്യമന്ത്രി പിണറായി വിജയനു കൈമാറി.
