കൊച്ചി: കാക്കനാട് രാജഗിരി സ്കൂൾ ഓഫ് എൻജിനിയറിംഗ് ആൻഡ് ടെക്നോളജി ഇൻക്യുബേഷൻ സെന്ററിൽ പ്രവർത്തിക്കുന്ന എക്സ് വേഡ്സ് സ്റ്റാർട്ട് അപ് കന്പനി 50 ലക്ഷം രൂപയുടെ മൂലധനം സമാഹരിച്ചു. ഹൈദരാബാദ് ആസ്ഥാനമായുള്ള ഇക്ഷാനാ ഇൻവെസ്റ്റ്മെന്റ് വെൻച്വേഴ്സിൽനിന്നാണ് എക്സ് വേഡ്സിന്റെ ഈ നേട്ടം. കന്പനിയുടെ ഈ നേട്ടം പ്രശംസനീയമാണെന്ന് കേരള സ്റ്റാർട്ട് അപ് മിഷൻ സിഇഒ ഡോ. സജി ഗോപിനാഥ് പറഞ്ഞു.
ഐഒടി(ഇന്റർനെറ്റ് ഓഫ് തിങ്ക്സ്) എനേബിൾഡ് ഡിജിറ്റൽ ടാബ്ലെറ്റുകൾ വാഹനങ്ങളിൽ സ്ഥാപിക്കുന്നതിനാണ് എക്സ് വേഡ്സിന് ഇക്ഷാനാ ഇൻവെസ്റ്റ്മെന്റ് വെൻച്വേഴ്സിൽനിന്നുള്ള സഹായം ലഭിച്ചത്. നിലവിൽ എറണാകുളത്തെ 100 വാഹനങ്ങളിൽ ഈ സംവിധാനം ലഭ്യമാണ്. അടുത്ത മാർച്ചോടുകൂടി 1000 വാഹനങ്ങളിൽ ഈ സൗകര്യം ലഭ്യമാക്കുകയാണ് എക്സ് വേഡ്സിന്റെ ലക്ഷ്യം.
കൊച്ചിയിലെ പ്രവർത്തനങ്ങൾ വിപുലീകരിക്കുന്നതിനും ഹൈദരാബാദിലേക്ക് വ്യാപിപ്പിക്കുന്നതിനും ഈ മൂലധനം പ്രയോജനപ്പെടുത്തുമെന്ന് എക്സ് വേഡ്സ് സിഇഒ ജോസഫ് ജഗൻ പറഞ്ഞു. യാത്രയ്ക്കിടയിൽ ഏറ്റവും പുതിയ വാർത്തകൾ അറിയുന്നതിനും സിനിമ, മറ്റു വീഡിയോ പരിപാടികൾ, വീഡിയോ ഗെയിമുകൾ എന്നിവയ്ക്കും സൗകര്യമൊരുക്കുന്ന ഡിജിറ്റൽ ടാബ്ലെറ്റുകളാണ് ഐഒടി. മൂലധന സമാഹരണത്തിനു പരിശ്രമിക്കുന്ന യുവ സംരംഭകർക്ക് എക്സ് വേഡ്സിന്റെ നേട്ടം പ്രചോദനമാണെന്ന് രാജഗിരി സ്കൂൾ ഓഫ് എൻജിനിയറിംഗ് ആൻഡ് ടെക്നോളജി ഡയറക്ടർ ഫാ. മാത്യു വട്ടത്തറ പറഞ്ഞു.
ഐഒടി(ഇന്റർനെറ്റ് ഓഫ് തിങ്ക്സ്) എനേബിൾഡ് ഡിജിറ്റൽ ടാബ്ലെറ്റുകൾ വാഹനങ്ങളിൽ സ്ഥാപിക്കുന്നതിനാണ് എക്സ് വേഡ്സിന് ഇക്ഷാനാ ഇൻവെസ്റ്റ്മെന്റ് വെൻച്വേഴ്സിൽനിന്നുള്ള സഹായം ലഭിച്ചത്. നിലവിൽ എറണാകുളത്തെ 100 വാഹനങ്ങളിൽ ഈ സംവിധാനം ലഭ്യമാണ്. അടുത്ത മാർച്ചോടുകൂടി 1000 വാഹനങ്ങളിൽ ഈ സൗകര്യം ലഭ്യമാക്കുകയാണ് എക്സ് വേഡ്സിന്റെ ലക്ഷ്യം.
കൊച്ചിയിലെ പ്രവർത്തനങ്ങൾ വിപുലീകരിക്കുന്നതിനും ഹൈദരാബാദിലേക്ക് വ്യാപിപ്പിക്കുന്നതിനും ഈ മൂലധനം പ്രയോജനപ്പെടുത്തുമെന്ന് എക്സ് വേഡ്സ് സിഇഒ ജോസഫ് ജഗൻ പറഞ്ഞു. യാത്രയ്ക്കിടയിൽ ഏറ്റവും പുതിയ വാർത്തകൾ അറിയുന്നതിനും സിനിമ, മറ്റു വീഡിയോ പരിപാടികൾ, വീഡിയോ ഗെയിമുകൾ എന്നിവയ്ക്കും സൗകര്യമൊരുക്കുന്ന ഡിജിറ്റൽ ടാബ്ലെറ്റുകളാണ് ഐഒടി. മൂലധന സമാഹരണത്തിനു പരിശ്രമിക്കുന്ന യുവ സംരംഭകർക്ക് എക്സ് വേഡ്സിന്റെ നേട്ടം പ്രചോദനമാണെന്ന് രാജഗിരി സ്കൂൾ ഓഫ് എൻജിനിയറിംഗ് ആൻഡ് ടെക്നോളജി ഡയറക്ടർ ഫാ. മാത്യു വട്ടത്തറ പറഞ്ഞു.