വിജീഷ് മണി സംവിധാനം ചെയ്യുന്ന സംസ്കൃത ഭാഷയിലുള്ള നമോ എന്ന ചിത്രത്തിനുവേണ്ടിയുള്ള ജയറാമിന്‍റെ രൂപമാറ്റം ശ്രദ്ധേയമായിരിക്കുകയാണ്. കുചേലൻ എന്ന കഥാപാത്രത്തെയാണ് ചിത്രത്തിൽ ജയറാം അവതരിപ്പിക്കുന്നത്.
ഈ കഥാപാത്രം ചെയ്യുന്നതിനായി തല മൊട്ടയടിക്കുകയും ശരീരഭാരം 20 കിലോ കുറയ്ക്കുകയും ചെയ്തിരിക്കുകയാണ് ജയറാം. 101 മിനിട്ടാണ് സിനിമയുടെ ദൈർഘ്യം. പ്രശസ്ത സംഗീതകാരൻ അനുപ് ജലോട്ടയാണ് ചിത്രത്തിന് സംഗീതമൊരുക്കുന്നതെന്ന പ്രത്യേകതയുമുണ്ട്.ആറ് ദേശീയ അവാർഡുകൾ കരസ്ഥമാക്കിയിട്ടുള്ള ബി.ലെനിനാണ് നമോയുടെ എഡിറ്റർ.
മൈഥിലി ജാവേദ്കർ, രാജ്, മനയൻ എന്നിവരാണ് മറ്റു പ്രധാന താരങ്ങൾ. ഇതിനു മുൻപ് രമേഷ് പിഷാരടി സംവിധാനം ചെയ്ത പഞ്ചവർണ്ണതത്ത എന്ന സിനിമയ്ക്കുവേണ്ടി ജയറാം തല മൊട്ടയടിച്ചിരുന്നു.
