സണ്ണി വെയ്നും മഞ്ജു വാര്യരും ഒന്നിക്കുന്ന സിനിമയുടെ പേര് പുറത്തുവിട്ടു. "ചതുർമുഖം' എന്നാണ് ചിത്രത്തിന്റെ പേര്. രഞ്ജീത് കമല ശങ്കർ, വി. സലീൽ എന്നിവരാണ് സിനിമ സംവിധാനം ചെയ്യുന്നത്. ആസിഫ് അലി നായകനായ കോഹിനൂറിന്റെ തിരക്കഥ രചിച്ചത് ഇവരായിരുന്നു. കെ. അഭയകുമാർ, അനിൽ കുര്യൻ എന്നിവരാണ് സിനിമയ്ക്ക് തിരക്കഥയൊരുക്കുന്നത്.
അലൻസിയർ, രണ്ജി പണിക്കർ എന്നിവരും സിനിമയിൽ മറ്റ് കഥാപാത്രങ്ങളെ അവതരിപ്പിക്കുന്നു. ജിസ് ടോംസ് മൂവീസിന്റെ ബാനറിൽ ജിസ് ടോംസും ജസ്റ്റിൻ തോമസും ചേർന്നാണ് സിനിമ നിർമിക്കുന്നത്.