തിരുവനന്തപുരം: പ്രധാനമന്ത്രി നരേന്ദ്ര മോദിക്കെതിരേ ഫേസ്ബുക്ക് പോസ്റ്റിട്ട സിപിഎം നേതാവിനെതിരേ പോലീസ് കേസെടുത്തു. സിപിഎം കിള്ളി ബ്രാഞ്ച് സെക്രട്ടറി ചുമതല വഹിക്കുന്ന ഉണ്ണി (ലിനു ) ക്കെതിരെയാണ് കേസ്. ബിജെപി കാട്ടാക്കട പഞ്ചായത്ത് കമ്മിറ്റി പ്രസിഡന്റ് കണ്ണൻ നൽകിയ പരാതിയെ തുടർന്നാണ് കേസ്. പരാതി സൈബർസെല്ലിന് കൈമാറിയിട്ടുണ്ടെന്നും അവരുടെ റിപ്പോർട്ട് കിട്ടിയ ശേഷം തുടർ നടപടി എടുക്കുമെന്നും കാട്ടാക്കട സിഐ വിജയരാഘവൻ അറിയിച്ചു.