സിനിമ നിർമാതാക്കൾക്കെതിരെ നടത്തിയ മനോരോഗി പരാമർശത്തിൽ ക്ഷമാപണവുമായി നടൻ ഷെയ്ൻ നിഗം. ഖേദം പ്രകടിപ്പിക്കുന്നതായും മാപ്പ് നൽകണമെന്നും അഭ്യർഥിച്ച് താരം അമ്മ, ഫെഫ്ക, പ്രൊഡ്യൂസേഴ്സ് അസോസിയേഷൻ എന്നീ സംഘടനകൾക്ക് കത്തയച്ചു.
തന്‍റെ പ്രസ്താവനയിൽ ആർക്കെങ്കിലും വിഷമം ഉണ്ടായെങ്കിൽ ഖേദം പ്രകടിപ്പിക്കുന്നുവെന്നും മനപൂർവമല്ല ഈ പരാമർശം നടത്തിയതെന്നും ഷെയ്ൻ കത്തിൽ വ്യക്തമാക്കി. ഷെയ്ൻ അയച്ച കത്ത് ലഭിച്ചതായി പ്രൊഡ്യൂസേഴ്സ് അസോസിയേഷൻ പ്രസിഡന്‍റ് എം. രഞ്ജിത്ത് അറിയിച്ചു.
