മലയാളത്തിന്റെ പ്രിയതാരം പ്രവീണ അടുത്തിടെ സോഷ്യൽ മീഡിയയിൽ പോസ്റ്റ് ചെയ്ത ചിത്രം വൈറലായിരുന്നു. നാൽപ്പതിൽ ഒരു വളകാപ്പ് എന്ന അടിക്കുറിപ്പോടെ നൽകിയ ചിത്രമായിരുന്നു അത്. തമിഴ് ആചാരപ്രകാരം ഗർഭിണിക്കുവേണ്ടി നടത്തുന്ന ചടങ്ങാണ് വളകാപ്പ്.
ഇതോടെ പ്രവീണ ഗർഭിണിയാണെന്ന തരത്തിൽ വാർത്തകൾ പ്രചരിച്ചു. നിരവധി പേർ സോഷ്യൽ മീഡിയയിൽ ചോദ്യങ്ങളുമായി സംശയം തീർക്കാനെത്തി. വളകാപ്പ് ഗർഭിണിയാകുന്പോൾ ഉള്ള ചടങ്ങാണെന്ന പ്രവീണയുടെ മറുപടി കൂടിയായപ്പോൾ പ്രവീണ രണ്ടാമതും ഗർഭിണിയാണെന്ന് ആരാധകർ ഉറപ്പിച്ചു.
ഇപ്പോൾ എല്ലാ സംശയങ്ങൾക്കും മറുപടി നൽകിയിരിക്കുകയാണ് പ്രവീണ. താൻ ഗർഭിണിയല്ലെന്നും ആ ചിത്രം ഒരു സിനിമയുടെ ചിത്രീകരണത്തിനു വേണ്ടി എടുത്തതാണെന്നും പ്രവീണ പറയുന്നു. എല്ലാവരുടേയും ആത്മാർഥമായ സ്നേഹത്തിനു താരം നന്ദിയും പറയുന്നു.