കൊച്ചി: സംസ്ഥാനത്തെ ഹയർ സെക്കൻഡറി വിദ്യാലയങ്ങളിൽ ക്രിസ്മസ് ദിനത്തിൽ നാഷണൽ സർവീസ് സ്കീമിന്‍റെ സഹവാസ ക്യാന്പ് നടത്താനുള്ള ഹയർ സെക്കൻഡറി ഡയറക്ടറേറ്റിന്‍റെ ഉത്തരവ് ഭേദഗതി ചെയ്യണമെന്നു കേരള കാത്തലിക് ടീച്ചേഴ്സ് ഗിൽഡ് സംസ്ഥാനസമിതി ആവശ്യപ്പെട്ടു.
നിലവിലുള്ള ഉത്തരവനുസരിച്ച് ഡിസംബർ 23നോ 24നോ സപ്തദിന സഹവാസ ക്യാന്പ് ആരംഭിക്കണമെന്നാണു നിർദേശം. ക്യാന്പിൽ പങ്കെടുക്കാത്ത വിദ്യാർഥികൾക്കു ഗ്രേസ് മാർക്കും സർട്ടിഫിക്കറ്റും ലഭിക്കില്ല. ഇതുമൂലം ആയിരക്കണക്കിനു വിദ്യാർഥികൾക്കും നൂറുകണക്കിന് അധ്യാപകർക്കും ദേവാലയങ്ങളിലെ ക്രിസ്മസ് തിരുക്കർമങ്ങളിൽ പങ്കെടുക്കുന്നതിനും കുടുംബാംഗങ്ങളോടൊപ്പം ക്രിസ്മസ് ആഘോഷിക്കുന്നതിനുമുള്ള അവസരം നിഷേധിക്കപ്പെടുകയാണ്.
ഡിസംബർ 26നു ക്യാന്പ് ആരംഭിച്ചാൽ മതി എന്നായിരുന്നു കഴിഞ്ഞ വർഷം നിർദേശം. ഇത്തവണത്തെ ഉത്തരവ് ഭേദഗതി ചെയ്തു ക്രിസ്മസ് ആചരണത്തിനു തടസമുണ്ടാകാത്ത വിധം ക്യാന്പുകൾ സംഘടിപ്പിക്കാനുള്ള സാവകാശം ഓരോ യൂണിറ്റുകൾക്കും കൊടുക്കണമെന്നും ടീച്ചേഴ്സ് ഗിൽഡ് സംസ്ഥാനസമിതി യോഗം ആവശ്യപ്പെട്ടു.
കെസിബിസി വിദ്യാഭ്യാസ കമ്മീഷൻ സെക്രട്ടറി ഫാ. ജോസ് കരിവേലിക്കൽ യോഗം ഉദ്ഘാടനം ചെയ്തു. പ്രസിഡന്‍റ് സാലു പതാലിൽ അധ്യക്ഷത വഹിച്ചു. ജനറൽ സെക്രട്ടറി ജോഷി വടക്കൻ, ജോസ് ആന്‍റണി, എം.ആബേൽ, ഡി.ആർ.ജോസ്, ഷാജി മാത്യു, ജെയിംസ് കോശി, മാത്യു ജോസഫ്, സിബി വലിയമറ്റം എന്നിവർ പ്രസംഗിച്ചു.
നിലവിലുള്ള ഉത്തരവനുസരിച്ച് ഡിസംബർ 23നോ 24നോ സപ്തദിന സഹവാസ ക്യാന്പ് ആരംഭിക്കണമെന്നാണു നിർദേശം. ക്യാന്പിൽ പങ്കെടുക്കാത്ത വിദ്യാർഥികൾക്കു ഗ്രേസ് മാർക്കും സർട്ടിഫിക്കറ്റും ലഭിക്കില്ല. ഇതുമൂലം ആയിരക്കണക്കിനു വിദ്യാർഥികൾക്കും നൂറുകണക്കിന് അധ്യാപകർക്കും ദേവാലയങ്ങളിലെ ക്രിസ്മസ് തിരുക്കർമങ്ങളിൽ പങ്കെടുക്കുന്നതിനും കുടുംബാംഗങ്ങളോടൊപ്പം ക്രിസ്മസ് ആഘോഷിക്കുന്നതിനുമുള്ള അവസരം നിഷേധിക്കപ്പെടുകയാണ്.
ഡിസംബർ 26നു ക്യാന്പ് ആരംഭിച്ചാൽ മതി എന്നായിരുന്നു കഴിഞ്ഞ വർഷം നിർദേശം. ഇത്തവണത്തെ ഉത്തരവ് ഭേദഗതി ചെയ്തു ക്രിസ്മസ് ആചരണത്തിനു തടസമുണ്ടാകാത്ത വിധം ക്യാന്പുകൾ സംഘടിപ്പിക്കാനുള്ള സാവകാശം ഓരോ യൂണിറ്റുകൾക്കും കൊടുക്കണമെന്നും ടീച്ചേഴ്സ് ഗിൽഡ് സംസ്ഥാനസമിതി യോഗം ആവശ്യപ്പെട്ടു.
കെസിബിസി വിദ്യാഭ്യാസ കമ്മീഷൻ സെക്രട്ടറി ഫാ. ജോസ് കരിവേലിക്കൽ യോഗം ഉദ്ഘാടനം ചെയ്തു. പ്രസിഡന്‍റ് സാലു പതാലിൽ അധ്യക്ഷത വഹിച്ചു. ജനറൽ സെക്രട്ടറി ജോഷി വടക്കൻ, ജോസ് ആന്‍റണി, എം.ആബേൽ, ഡി.ആർ.ജോസ്, ഷാജി മാത്യു, ജെയിംസ് കോശി, മാത്യു ജോസഫ്, സിബി വലിയമറ്റം എന്നിവർ പ്രസംഗിച്ചു.
