അടിമാലി: കല്ലാർകുട്ടി ഡാമിൽനിന്നും നേര്യമംഗലം പവർഹൗസിലേക്ക് വെള്ളം കൊണ്ടുപോകുന്ന ടണൽ മുഖത്തെ ഇൻടേക്ക് ഷട്ടർ പൊട്ടിവീണു. ഇതിനെത്തുടർന്ന് പന്നിയാർ, ചെങ്കുളം, നേര്യമംഗലം പവർഹൗസുകളിലെ വൈദ്യുതി ഉത്പാദനം അനിശ്ചിതകാലത്തേക്കു നിർത്തിവച്ചു. ഇതുമൂലം ബോർഡിനു ലക്ഷങ്ങളുടെ നഷ്ടമുണ്ടാകും.
തിങ്കളാഴ്ച രാത്രി പത്തോടെയാണ് ഷട്ടർ പൊട്ടിവീണത്. അറ്റകുറ്റപ്പണി ചെയ്യാത്തതിനെത്തുടർന്ന് കാലപ്പഴക്കത്താൽ ഷട്ടർ താങ്ങിനിർത്തിയിരുന്ന ഇരുന്പുവടം തുരുന്പെടുത്ത് ജീർണാവസ്ഥയിലായതിനെത്തുടർന്നാണ് ഷട്ടർ നിലംപൊത്തിയത്. ഷട്ടർ വീണതോടെ ടണൽ വഴിയുള്ള വെള്ളമൊഴുക്കും നിന്നു.
രാത്രിയിൽതന്നെ ഷട്ടർ പുനഃസ്ഥാപിക്കാൻ ശ്രമിച്ചെങ്കിലും നടന്നില്ല. ഇന്നലെ രാവിലെ പണികൾ പുനരാരംഭിച്ചു.
തിങ്കളാഴ്ച രാത്രി പത്തോടെയാണ് ഷട്ടർ പൊട്ടിവീണത്. അറ്റകുറ്റപ്പണി ചെയ്യാത്തതിനെത്തുടർന്ന് കാലപ്പഴക്കത്താൽ ഷട്ടർ താങ്ങിനിർത്തിയിരുന്ന ഇരുന്പുവടം തുരുന്പെടുത്ത് ജീർണാവസ്ഥയിലായതിനെത്തുടർന്നാണ് ഷട്ടർ നിലംപൊത്തിയത്. ഷട്ടർ വീണതോടെ ടണൽ വഴിയുള്ള വെള്ളമൊഴുക്കും നിന്നു.
രാത്രിയിൽതന്നെ ഷട്ടർ പുനഃസ്ഥാപിക്കാൻ ശ്രമിച്ചെങ്കിലും നടന്നില്ല. ഇന്നലെ രാവിലെ പണികൾ പുനരാരംഭിച്ചു.