മാള: ആയിരത്തിലധികം മാനേജ്മെന്റ് വിദ്യാർഥികൾ മാറ്റുരയ്ക്കുന്ന ദേശീയ മാനേജ്മെന്റ് ഫെസ്റ്റ് ലെഗാഡോ 2017 നു മാള ഹോളി ഗ്രേസ് അക്കാഡമി ഓഫ് മാനേജ്മെന്റ് സ്റ്റഡീസിൽ തുടക്കമായി. ഹോളി ഗ്രേസ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസിന്റെ ചീഫ് മെന്ററും മുൻ കേരള ചീഫ് സെക്രട്ടറിയുമായ ജിജി തോംസൺ അധ്യക്ഷത വഹിച്ച ചടങ്ങിൽ തൃശൂർ ജില്ലാ കളക്ടർ ഡോ. എ. കൗശിഗൻ ഭദ്രദീപം തെളിച്ചു ലെഗാഡോ 2017 ഉദ്ഘാടനം നിർവഹിച്ചു.