കൊച്ചി: രാജ്യത്തു കന്നുകാലികളെ കശാപ്പ് ചെയ്യുന്നതു നിരോധിച്ചു കേന്ദ്രസർക്കാർ പുറത്തിറക്കിയ വിജ്ഞാപനം മതേതരത്വത്തെ അട്ടിമറിക്കുന്നതാണെന്നു കെഎൽസിഎ കുറ്റപ്പെടുത്തി. ഇന്ത്യ കണ്ടുകൊണ്ടിരിക്കുന്ന വിധ്വംസക നടപടികളുടെ തുടർച്ച മാത്രമാണിത്. റംസാൻ അടുത്തിരിക്കെയുള്ള ഈ ഉത്തരവ് വർഗീയമായ ചേരിതിരിവുണ്ടാക്കാനും സമൂഹത്തിൽ മതസ്പർധ വർധിപ്പിക്കാനും മാത്രമെ ഉപകരിക്കൂ.
പട്ടിൽ പൊതിഞ്ഞ് കൊണ്ടുനടക്കുന്ന കപടദേശീയതയ്ക്കെതിരേ ജനാധിപത്യ വിശ്വാസികൾ ജാതിമതഭേദമെന്യേ ശക്തമായി പ്രതികരിക്കണമെന്ന് സംസ്ഥാന പ്രസിഡന്റ് ആന്റണി നൊറോണ, ജനറൽ സെക്രട്ടറി ഷെറി ജെ. തോമസ് എന്നിവർ ആവശ്യപ്പെട്ടു.
പട്ടിൽ പൊതിഞ്ഞ് കൊണ്ടുനടക്കുന്ന കപടദേശീയതയ്ക്കെതിരേ ജനാധിപത്യ വിശ്വാസികൾ ജാതിമതഭേദമെന്യേ ശക്തമായി പ്രതികരിക്കണമെന്ന് സംസ്ഥാന പ്രസിഡന്റ് ആന്റണി നൊറോണ, ജനറൽ സെക്രട്ടറി ഷെറി ജെ. തോമസ് എന്നിവർ ആവശ്യപ്പെട്ടു.