നെടുങ്കണ്ടം: പൂനെയിലുണ്ടായ വാഹനാപകടത്തിൽ മലയാളി വിദ്യാർഥി മരിച്ചു. തൂക്കുപാലം ബ്ലോക്ക് നന്പർ 116 ൽ സന്തോഷ് കുമാറിന്‍റെ മകൻ സജിൻ കുമാർ(19) ആണ് മരിച്ചത്. ഞായറാഴ്ച രാവിലെ 11.30 നാണ് അപകടം. ബന്ധുവിനൊപ്പം ബൈക്കിൽ സഞ്ചരിക്കവേ പിന്നിൽ നിന്നു എത്തിയ മറ്റൊരു വാഹനം ബൈക്കിൽ ഇടിക്കുകയായിരുന്നു. സജിൻ ഇടിയുടെ ആഘാതത്തിൽ തെറിച്ച് വീണു. പാലത്തിന്‍റെ കൈവരിയിൽ തലയിടിച്ച് വീണതിനെത്തുടർന്നായിരുന്നു മരണം. പൂനെയിൽ ബിരുദ വിദ്യാർഥിയായിരുന്നു. 20 വർഷമായി ഇവരുടെ കുടുംബം പൂനെയിൽ സ്ഥിരതാമസമാണ്. സംസ്കാരം ഇന്ന് ഒന്പതിന് തൂക്കുപാലത്തെ വീട്ടുവളപ്പിൽ. പുഷ്പയാണ് മാതാവ്. സഹോദരി സജിത.
