കോട്ടയം: എംജി സർവകലാശാലായുടെ ആറ്, അഞ്ച്, നാല് സെമസ്റ്റർ സിബിസിഎസ്എസ് പരീക്ഷകളുടെ മൂല്യനിർണയ ക്യാന്പുകളിൽ ഹാജരാകാത്ത അധ്യാപകർക്കെതിരെ കർശന നടപടി സ്വീകരിക്കും. അധ്യാപകർ ബന്ധപ്പെട്ട മൂല്യനിർണയ ക്യാന്പുകളിൽ പങ്കെടുക്കുന്നുണ്ടെന്നു കോളജ് പ്രിൻസിപ്പൽമാർ ഉറപ്പുവരുത്തണം. ക്യാന്പിൽ ഹാജരാകാത്ത അധ്യാപകരുടെ വിശദാംശം ക്യാന്പ് ഓഫീസർമാർ അതതു ദിവസം സർവകലാശാലയ്ക്കു റിപ്പോർട്ട് ചെയ്യണം. ഹാജരാകാത്ത അധ്യാപകരുടെ ശന്പളം തടഞ്ഞുവച്ച് അച്ചടക്കനടപടി സ്വീകരിക്കും.