ചേർത്തല:തണ്ണീർമുക്കം ബണ്ടിലെ സെക്യൂരിറ്റി കാബിനിലേയ്ക്ക് കാർ ഇടിച്ച് കയറി സെക്യൂരിറ്റി ജീവനക്കാരൻ മരിച്ചു. ചേർത്തല പള്ളിപ്പുറം ചാത്തമംഗലം ലക്ഷംവീട് കോളനിയിൽ ലക്ഷ്മണൻ(67)ആണ് മരിച്ചത്. ഇന്നലെ പുലർച്ചെ മൂന്നിനു ചേർത്തലയിൽ നിന്നു വൈക്കത്തേക്കു പോയ കാറാണ് അപകടത്തിൽപ്പെട്ടത്.
ബണ്ടിന്റെ നടുഭാഗത്ത് സ്ഥാപിച്ചിരിക്കുന്ന കാബിനിലേക്ക് കാറിടിച്ച് കയറുകയായിരുന്നു. കാബിനിലുണ്ടായിരുന്ന ലക്ഷ്മണനെ പുറത്തെടുത്ത് ചേർത്തല താലൂക്കാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: തങ്കമ്മ. മക്കൾ: അജിമോൻ, സജിമോൻ. മരുമകൾ: സന്ധ്യ.
ബണ്ടിന്റെ നടുഭാഗത്ത് സ്ഥാപിച്ചിരിക്കുന്ന കാബിനിലേക്ക് കാറിടിച്ച് കയറുകയായിരുന്നു. കാബിനിലുണ്ടായിരുന്ന ലക്ഷ്മണനെ പുറത്തെടുത്ത് ചേർത്തല താലൂക്കാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: തങ്കമ്മ. മക്കൾ: അജിമോൻ, സജിമോൻ. മരുമകൾ: സന്ധ്യ.