കൊ​യ്ത നെ​ല്ല് ഒ​രാ​ഴ്ച​യാ​യി പാ​ട​ത്ത്

ഹ​രി​പ്പാ​ട്: ചെ​റു​ത​ന കോ​തേ​രി പേ​രി​ക്കാ​ട്ടേ​രി പാ​ട​ത്ത് വി​ള​വെ​ടു​ത്ത നെ​ല്ല് സം​ഭ​രി​ക്കാ​ത്ത​തി​നാ​ൽ ക​ർ​ഷ​ക​ർ പ്ര​തി​സ​ന്ധി​യി​ൽ. ഒ​രാ​ഴ്ച മു​ൻ​പ് വി​ള​വെ​ടു​പ്പ് പൂ​ർ​ത്തി​യാ​യ പാ​ട​ത്ത് നെ​ല്ല് സം​ഭ​രി​ക്കാ​ത്ത​തി​നാ​ൽ ക​ർ​ഷ​ക​ർ വി​ള​വെ​ടു​ത്ത നെ​ല്ല് പാ​ട​ത്ത് ത​ന്നെ കൂ​ട്ടി​യി​രി​ക്കു​ക​യാ​ണ്.
വേ​ന​ൽ​മ​ഴ ശ​ക്ത​മാ​യാ​ൽ വെ​ള്ളം ക​യ​റി നെ​ല്ല് ന​ശി​ക്കു​മെ​ന്ന ആ​ശ​ങ്ക​യു​ള്ള​തി​നാ​ൽ ക​ർ​ഷ​ക​ർ രാ​ത്രി​യി​ൽ പാ​ട​ത്ത് ത​ന്നെ ത​ങ്ങു​ക​യാ​ണ്. സി​വി​ൽ സ​പ്ലൈ​സ് ഏ​ർ​പ്പെ​ടു​ത്തി​യ സ്വ​കാ​ര്യ​മി​ല്ലു​കാ​ർ വി​വി​ധ കാ​ര​ണ​ങ്ങ​ൾ പ​റ​ഞ്ഞ് നെ​ല്ലെ​ടു​പ്പ് നീ​ട്ടു​ക​യാ​ണ​ണെ​ന്നാ​ണ് ക​ർ​ഷ​ക​രു​ടെ പ​രാ​തി. 85 ഏ​ക്ക​റു​ള്ള കോ​തേ​രി പാ​ട​ത്ത് 63 ചെ​റു​കി​ട ക​ർ​ഷ​ക​രാ​ണു​ള്ള​ത്. ഏ​ക്ക​റി​ന് 50,000 രൂ​പ​യി​ല​ധി​കം വ​രെ ക​ർ​ഷ​ക​ർ​ക്ക് കൃ​ഷി​ക്ക് ഇ​വി​ടെ ചെ​ല​വാ​യി​ട്ടു​ണ്ട്. കൃ​ഷി​യൊ​രു​ക്ക സ​മ​യ​ത്ത് വി​ത്ത് കി​ട്ടാ​ൻ വൈ​കി​യ​തി​നാ​ൽ 40 ദി​വ​സ​ത്തോ​ളം പാ​ടം വെ​റു​തെ​യി​ടേ​ണ്ടി വ​ന്നു. ഇ​തി​നാ​ൽ പാ​ടം വീ​ണ്ടും ഒ​രു​ക്കേ​ണ്ടി വ​ന്നി​രു​ന്നു.
ഇ​ത് ക​ർ​ഷ​ക​ർ​ക്ക് അ​ധി​ക ബാ​ധ്യ​ത​യു​ണ്ടാ​ക്കി​യ​താ​യി പാ​ട​ശേ​ഖ​ര​സ​മി​തി സെ​ക്ര​ട്ട​റി കെ.​പൊ​ന്ന​പ്പ​ൻ പ​റ​ഞ്ഞു. നെ​ല്ലെ​ടു​പ്പ് വേ​ഗ​ത്തി​ലാ​ക്കി​യി​ല്ലെ​ങ്കി​ൽ ക​ർ​ഷ​ക​രു​ടെ ക​ഷ്ട​പ്പാ​ട് വെ​ള്ള​ത്തി​ലാ​കു​മെ​ന്ന​താ​ണ് അ​വ​സ്ഥ. നി​ര​വ​ധി പ്ര​തി​സ​ന്ധി​ക​ൾ അ​തി​ജീ​വി​ച്ച് വി​ള​വെ​ടു​പ്പ് പൂ​ർ​ത്തി​യാ​ക്കി​യ പാ​ട​ത്തെ നെ​ല്ല് അ​ടി​യ​ന്തി​ര​മാ​യി സം​ഭ​രി​ക്കാ​നു​ള്ള ന​ട​പ​ടി​ക​ൾ അ​ധി​കൃ​ത​രു​ടെ ഭാ​ഗ​ത്തു​നി​ന്നു​ണ്ടാ​ക​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം.