ഫഹദ് ഫാസിലിനെ നായകനാക്കി അൻവർ റഷീദ് ഒരുക്കുന്ന ട്രാൻസിന്റെ പുതിയ പോസ്റ്റർ എത്തി. മുൻപ് പുറത്തുവിട്ട ചിത്രത്തിന്റെ പോസ്റ്ററിന് മികച്ച പ്രതികരണമായിരുന്നു ലഭിച്ചത്. ആദ്യത്തെ പോസ്റ്ററിൽ നിന്നും ഏറെ വ്യത്യസ്തമായി ചാടി തുള്ളുന്ന ഫഹദിന്റെ ചിത്രമാണ് പോസ്റ്ററിലുള്ളത്.
സൗബിൻ ഷഹീർ, ശ്രീനാഥ് ഭാസി, ദിലീഷ് പോത്തൻ, ഗൗതം മേനോൻ, നസ്രിയ, അർജുൻ അശോകൻ, ബൈജു എന്നിവരും സിനിമയിൽ മറ്റ് പ്രധാനകഥാപാത്രങ്ങളെ അവതരിപ്പിക്കുന്നു. അൻവർ റഷീദ് തന്നെയാണ് സിനിമ നിർമിച്ചിരിക്കുന്നതും.