കൊച്ചി: കെസിബിസി മദ്യവിരുദ്ധ സമിതിയുടെ പതിനെട്ടാമതു സംസ്ഥാന വാർഷിക സമ്മേളനം ഫെബ്രുവരി മൂന്നിനു പാലാരിവട്ടം പിഒസിയിൽ നടക്കുമെന്നു സെക്രട്ടറി ചാർളി പോൾ അറിയിച്ചു. രാവിലെ 10ന് ജനറൽബോഡി യോഗത്തിൽ സംസ്ഥാന സെക്രട്ടറി വാർഷിക റിപ്പോർട്ടും ഫിനാൻസ് സെക്രട്ടറി ആന്റണി ജേക്കബ് ചാവറ സാന്പത്തിക റിപ്പോർട്ടും അവതരിപ്പിക്കും. ഉച്ചയ്ക്കു രണ്ടിനു വാർഷിക സമ്മേളനം ചെയർമാൻ ബിഷപ് മാർ റെമജിയോസ് ഇഞ്ചനാനിയിൽ ഉദ്ഘാടനം ചെയ്യും. ജനറൽ സെക്രട്ടറി ഫാ. ജേക്കബ് വെള്ളമരുതുങ്കൽ അധ്യക്ഷത വഹിക്കും. പ്രസാദ് കുരുവിള പ്രസംഗിക്കും. മികച്ച പ്രവർത്തകൻ, മികച്ച രൂപതകൾ, വിദ്യാർഥി പ്രതിനിധി എന്നിവർക്കുള്ള ട്രോഫികളും കാഷ് അവാർഡുകളും യോഗത്തിൽ വിതരണം ചെയ്യും.