ഹൗ ഓൾഡ് ആർ യൂ എന്ന ചിത്രത്തിനു ശേഷം റോഷൻ ആൻഡ്രൂസ്- മഞ്ജു വാര്യർ കൂട്ടുകെട്ടിൽ സിനിമയൊരുങ്ങുന്നു. പ്രതി പൂവൻ കോഴി എന്നാണ് സിനിമയ്ക്ക് പേരിട്ടിരിക്കുന്നത്.
ഉണ്ണി ആറിന്‍റെ പ്രതി പൂവൻ കോഴി എന്ന നോവലിനെ ആസ്പദമാക്കിയാണ് സിനിമയൊരുങ്ങുന്നത്. അദ്ദേഹം തന്നെയാണ് സിനിമയ്ക്കു വേണ്ടി തിരക്കഥയൊരുക്കുന്നത്.
ശ്രീ ഗോകുലം മൂവീസിന്‍റെ ബാനറിൽ ഗോകുലം ഗോപാലനാണ് സിനിമ നിർമിക്കുന്നത്. ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നവർ ആരൊക്കയാണെന്ന് വ്യക്തമല്ല.
