തണ്ണീർമത്തൻ ദിനങ്ങൾ 50കോടി ക്ലബ്ബിൽ. റിലീസ് ചെയ്ത് 40 ദിനങ്ങൾ പിന്നിടുമ്പോഴാണ് സിനിമ 50 കോടി ക്ലബ്ബിൽ ഇടം നേടുന്നത്. നിർമാതാക്കളിലൊരാളായ ഷെബിൻ ബക്കറാണ് ഇതിനെ കുറിച്ച് ഒൗദ്യോഗീകമായി അറിയിച്ചത്.
നവാഗതനായ എ.ഡി. ഗിരീഷ് സംവിധാനം ചെയ്ത ചിത്രത്തിൽ വിനീത് ശ്രീനിവാസൻ, മാത്യു തോമസ്, അനശ്വര രാജൻ, ഇർഷാദ്, നിഷ സാരംഗ്, നെൽസണ് കെ. ഗഫൂർ എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്.
സ്കൂൾ ജീവിതവും സൗഹൃദവും പ്രണയവും പറയുന്ന ചിത്രത്തിൽ അധ്യാപകന്റെ കഥാപാത്രത്തെയാണ് വിനീത് ശ്രീനിവാസൻ അവതരിപ്പിച്ചത്. സംവിധായകനും ഡിനോയ് പൗലോസും ചേർന്നാണ് സിനിമയ്ക്കു വേണ്ടി തിരക്കഥയൊരുക്കിയത്.
ജോമോൻ ടി. ജോണ് ആണ് സിനിമയ്ക്കു വേണ്ടി കാമറ ചലിപ്പിച്ചത്. പ്ലാൻ ജെ സ്റ്റുഡിയോസ്, ഷെബിൻ ബക്കർ പ്രഡക്ഷൻസ് എന്നീ ബാനറുകളിലാണ് തണ്ണീർമത്തൻ ദിനങ്ങൾ നിർമിച്ചിരിക്കുന്നത്.