പൃഥ്വിരാജ് നായകനാകുന്ന പുതിയ ചിത്രം പ്രഖ്യാപിച്ചു. ജീൻപോൾ ലാൽ സംവിധാനം ചെയ്യുന്ന ചിത്രത്തിന് ഡ്രൈവിംഗ് ലൈസൻസ് എന്നാണ് പേരിട്ടിരിക്കുന്നത്.
ആഡംബര വാഹനങ്ങളെ ഇഷ്ടപ്പെടുന്ന ഒരു കഥാപാത്രത്തെയാണ് ചിത്രത്തിൽ പൃഥ്വി അവതരിപ്പിക്കുന്നത്. സുരാജ് വെഞ്ഞാറമൂടും സിനിമയിൽ മറ്റൊരു കഥാപാത്രത്തെ അവതരിപ്പിക്കുന്നു.
മാജിക് ഫ്രെയിംഗ്, പൃഥ്വിരാജ് പ്രൊഡക്ഷൻസ് എന്നീ ബാനറുകളിൽ ലിസ്റ്റിൻ സ്റ്റീഫൻ, പൃഥ്വിരാജ് എന്നിവരാണ് ചിത്രം നിർമിക്കുന്നത്. സിനിമയെ കുറിച്ചുള്ള കൂടുതൽ വിവരങ്ങൾ പുറത്തുവിട്ടിട്ടില്ല.