മാധ്യമപ്രവർത്തകയും അവതാരകയുമായ ധന്യ വർമ വീണ്ടും അഭിനയരംഗത്തേക്ക്. ശങ്കർ രാമകൃഷ്ണൻ സംവിധാനം ചെയ്യുന്ന പതിനെട്ടാം പടിയിലൂടെയാണ് ധന്യ വീണ്ടുമെത്തുന്നത്. സിനിമയിലും മാധ്യമപ്രവർത്തകയുടെ വേഷമാണ് ധന്യ ചെയ്യുന്നത്.
സംവിധായകൻ പത്മരാജന്‍റെ ജീവിതം ആസ്പദമാക്കി സുമേശ്‌ലാൽ ഒരുക്കിയ ഹ്യൂമൻസ് ഓഫ് സംവണ്‍ എന്ന ചിത്രത്തിലാണ് ഇതിനു മുന്പ് ധന്യ അഭിനയിച്ചത്. കൂടെവിടെയിൽ സുഹാസിനി അവതരിപ്പിച്ച ആലീസ് എന്ന കഥാപാത്രത്തെയാണ് ധന്യ പുനരവതരിപ്പിച്ചത്.
പൃഥ്വിരാജ്, മനോജ് കെ ജയൻ, ലാലു അലക്സ്, ഉണ്ണി മുകുന്ദൻ, ആര്യ, പ്രിയ ആനന്ദ്, പ്രിയാമണി, അഹാന കൃഷ്ണ, സാനിയ അയ്യപ്പൻ, സുരാജ് വെഞ്ഞാറമൂട് എന്നിങ്ങനെ വൻ താരനിര അണിനിരക്കുന്ന ചിത്രമാണ് പതിനെട്ടാംപടി. മമ്മൂട്ടി അതിഥിവേഷത്തിൽ എത്തുന്നു. ചിത്രം വെള്ളിയാഴ്ച്ച തീയറ്ററുകളിൽ എത്തും.
