ഷൂട്ടിംഗിനിടെ സംവിധായകനേയും അണിയറ പ്രവർത്തകരേയുമെല്ലാം കുറച്ചു നേരത്തേക്കു പേടിപ്പിച്ചു കളഞ്ഞു സണ്ണി ലിയോൺ. സംഭവം തമാശയാണന്നറിഞ്ഞപ്പോൾ സെറ്റിൽ ചിരി പടർന്നു. പുതിയ ചിത്രത്തിന്റെ ഷൂട്ടിംഗിനിടെയാണ് സംഭവം. നായകൻ സണ്ണിക്കു നേരെ വെടിയുതിർക്കുന്ന രംഗമാണ് ചിത്രീകരിച്ചു കൊണ്ടിരുന്നത്. നായകൻ വെടിവച്ചപ്പോൾ വെടിയേറ്റതുപോലെ അഭിനയിച്ച് മുന്നിലേക്ക് വീണ സണ്ണി പിന്നീട് എഴുന്നേൽക്കാതെ വന്നതോടെയാണ് എല്ലാവരും പരിഭ്രാന്തരായത്. സണ്ണിക്കെന്താണ് പറ്റിയതെന്നറിയാൻ സംവിധായകനും താരങ്ങളും സാങ്കേതിക പ്രവർത്തകരും ചുറ്റും കൂടി.
എന്നാൽ കുറച്ചു കഴിഞ്ഞ് ചിരിച്ചുകൊണ്ട് ചാടിയെഴുനേൽക്കുന്ന സണ്ണി ലിയോണിനെ കണ്ടപ്പോഴാണ് എല്ലാം ഒരു തമാശയാണെന്ന് ചുറ്റും കൂടിയവർക്ക് മനസിലായത്. എന്തായാലും ഷൂട്ടിംഗ് സെറ്റിൽ നിന്നുള്ള ഈ രംഗങ്ങളുടെ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്. സണ്ണി ലിയോൺ തന്നെ ഈ സംഭവത്തിന്റെ ദൃശ്യങ്ങൾ ഇൻസ്റ്റഗ്രാമിൽ ഷെയർ ചെയ്തിരുന്നു. ഇതൊരു പബ്ലിസിറ്റി സ്റ്റണ്ടാണെന്ന് ആരാധകരോട് താരം വെളിപ്പെടുത്തുകയും ചെയ്തു.