കേരളത്തെ പിടിച്ചു കുലുക്കിയ നിപ്പ വീണ്ടും സംസ്ഥാനത്ത് സ്ഥിരീകരിച്ച സാഹചര്യത്തിൽ ഭയമകറ്റി ജാഗരൂകരാകാൻ ജനങ്ങളോട് നിർദ്ദേശം നൽകി മുതിർന്ന മലയാള സിനിമ താരങ്ങളായ മമ്മൂട്ടിയും മോഹൻലാലും. ഫേസ്ബുക്കിൽ പങ്കുവച്ച കുറിപ്പിലാണ് ഇരുവരും ബോധവത്ക്കരണം നൽകിയത്.
"നിപ്പ സ്ഥിരീകരിച്ചു എന്ന വാർത്ത ഭയമല്ല ജാഗ്രതയാണ് വർദ്ധിപ്പിക്കേണ്ടത്. കൂട്ടായ്മയാണ് ഉണർത്തേണ്ടത്. ഇതിലും എത്രയോ വലിയ ഭീതികളെ മറികടന്നവരാണ് നാം, ചെറുത്ത് തോൽപ്പിച്ചവരാണ് നാം. ഒന്നിച്ചു നിൽക്കാം, നിപ്പയെ കീഴടക്കാം. നിപ്പ, ഭീതി വേണ്ട, ജാഗ്രത മതി. എല്ലാവർക്കും കൂട്ടായ്മയുടെ പെരുന്നാൾ ആശംസകൾ' എന്ന് മമ്മൂട്ടി കുറിച്ചു.
"വേണ്ടത് ഭയമല്ല..ജാഗ്രതയാണെന്ന്' മോഹൻലാലും കുറിച്ചു. സംസ്ഥാനത്ത് നിപ്പ വീണ്ടും റിപ്പോർട്ട് ചെയ്ത സാഹചര്യത്തിൽ ജനങ്ങൾ കൂടുതൽ ജാഗരൂകരാകണമെന്ന് ആരോഗ്യവകുപ്പും അറിയിച്ചിട്ടുണ്ട്. വൈറസ് പടരുവാനുള്ള സാഹചര്യം പൂർണമായും ഒഴിവാക്കണമെന്ന് കർശന നിർദ്ദേശവും വകുപ്പ് നൽകിയിട്ടുണ്ട്.