മണ്മറഞ്ഞ കലാകാരൻ ലോഹിതദാസിന്റെ ഓർമയ്ക്ക് പത്ത് വയസാകുന്ന വേളയിൽ അദ്ദേഹത്തിന്റെ സ്മരണയ്ക്ക് പ്രൊഡക്ഷൻ കമ്പനിയുമായി മക്കൾ. ലോഹിതദാസ് പ്രൊഡക്ഷൻസ് എന്ന പേരിൽ നിർമാണ കമ്പനിയുമായി രംഗത്തെത്തിയിരിക്കുന്നത് അദ്ദേഹത്തിന്റെ മക്കളായ ഹരികൃഷ്ണൻ, വിജയ ശങ്കർ എന്നിവരാണ്.
ഒരു ഹ്രസ്വചിത്രവും ഇവർ പുറത്തിറക്കിയിട്ടുണ്ട്. മദ്യപാനത്തിനെതിരെയുള്ള സന്ദേശം നൽകുന്ന രണ്ടര മിനിട്ട് ദൈർഘ്യമുള്ള ഈ ഹ്രസ്വചിത്രത്തിന് സുശീലൻ ഫ്രം പേർഷ്യ എന്നാണ് പേര് നൽകിയിരിക്കുന്നത്.
വിജയ് ശങ്കർ സംവിധാനവും ഹരിശങ്കർ ഛായാഗ്രാഹണവും നിർവഹിച്ചിരിക്കുന്ന ഹ്രസ്വചിത്രത്തിൽ പ്രധാനകഥാപാത്രത്തെ അവതരിപ്പിക്കുന്നത് അർജുൻ ശങ്കറാണ്.