മോഹൻലാൽ നായകനാകുന്ന ഒടിയൻ എന്ന ചിത്രവുമായി ബന്ധപ്പെട്ട് ഓരോ ദിനവും പുറത്തു വരുന്ന വാർത്തകൾ ചലച്ചിത്രപ്രേമികളെ അന്പരപ്പിച്ചുകൊണ്ടിരിക്കുകയാണ്. ഏറ്റവും ഒടുവിൽ ഒരു ആക്ഷൻ രംഗത്തിന്റെ ചിത്രീകരണമാണ് വാർത്തകളിൽ നിറയുന്നത്. ഡ്യൂപ്പില്ലാതെ മോഹൻ ലാൽ പുഴ പ്രത്യേക രീതിയിൽ നീന്തിക്കടന്നതാണ് ഷൂട്ടിംഗ് കണ്ടു നിന്നവരെ അന്പരപ്പിച്ചത്.
പാലക്കാട്ടും പരിസര പ്രദേശത്തുമാണ് ചിത്രീകരണം നടന്നു കൊണ്ടിരിക്കുന്നത്. പീറ്റർ ഹെയിൻ ആണ് ഒടിയന്റെ സംഘട്ടന സംവിധായകൻ. പ്രകാശ് രാജ് അവതരിപ്പിക്കുന്ന രാവുണ്ണി എന്ന കഥാപാത്രത്തോട് പ്രതികാരം ചെയ്യാൻ മോഹൻലാലിന്റെ ഒടിയൻ നദി നീന്തിക്കടക്കുന്നതാണ് രംഗം. നദിയിലൊരിടത്ത് നിശബ്ദമായി മുങ്ങിയ ശേഷം മറ്റൊരിടത്ത് പൊങ്ങി നദി നീന്തിക്കടക്കുന്നതാണ് ചിത്രീകരിക്കേണ്ടിയിരുന്നത്.
ഡ്യൂപ്പിനെ ഇടാം എന്ന നിർദേശം മോഹൻലാൽ സമ്മതിക്കാതെ സ്വയം നീന്തി നദി കടക്കുകയായിരുന്നു. മോഹൻലാൽ നദി നീന്തിക്കടക്കുന്നത് ഷൂട്ടിംഗ് കണ്ട കാണികളെ അക്ഷരാർഥത്തിൽ ഞെട്ടിച്ചുവെന്നാണ് റിപ്പോർട്ടുകൾ.