അങ്കമാലി ഡയറീസിനു ശേഷം ആന്റണി വർഗീസ് നായകനായി എത്തുന്ന സ്വാതന്ത്രം അർദ്ധരാത്രിയിൽ തീയറ്ററുകളിലേക്ക്. ചിത്രം മാർച്ച് 31ന് തീയറ്ററുകളിലെത്തും. ടിനു പാപ്പച്ചൻ സംവിധാനം ചെയ്യുന്ന ഈ ആക്ഷൻ ത്രില്ലറിൽ ഒരു കോട്ടയംകാരനായാണ് ആന്റണി എത്തുന്നത്.
ബി. ഉണ്ണികൃഷ്ണൻ ആദ്യമായി നിർമിച്ച് അവതരിപ്പിക്കുന്ന ചിത്രത്തിനായി തിരക്കഥയൊരുക്കിയത് ദിലീപ് കുര്യനാണ്. ബി.സി. ജോഷിയും നിർമാണ പങ്കാളിയാണ്. കൂടാതെ ലിജോ ജോസ് പല്ലിശേരി, ചെന്പൻ വിനോദ് എന്നിവരും ചിത്രത്തിന്റെ സഹനിർമാതാക്കൾ ആണ്. കോട്ടയം, മഗംലാപുരം, ഓസ്ട്രേലിയ എന്നിവിടങ്ങളാണ് ചിത്രത്തിന്റെ പ്രധാനലൊക്കേഷനുകൾ.