ടൊവിനോ നായകനായി എത്തുന്ന തീവണ്ടി വിഷുവിന് തിയറ്ററിലെത്തും. പുതുമുഖം സംയുക്ത മേനോനാണ് നായിക. ആക്ഷേപഹാസ്യ ചിത്രമായ തീവണ്ടിയിൽ ടൊവിനോ പുകവലിക്ക് അടിമയായ ബിനീഷ് ദാമോധരൻ എന്ന കഥാപാത്രത്തെയാണ് അവതരിപ്പിക്കുന്നത്.
നവാഗതനായ ഫെലിനി ടി.പിയാണ് ചിത്രം സംവിധാനം ചെയ്യുന്നത്. സുരാജ് വെഞ്ഞാറമൂട്, സുധീഷ്, സുരഭി, സൈജു കുറുപ്പ്, ഷമ്മി തിലകൻ തുടങ്ങിയവരും ചിത്രത്തിലുണ്ട്. ഗൗതം ശങ്കറാണ് കാമറ കൈകാര്യം ചെയ്യുന്നത്. കൈലാസ് മേനോനാണ് സംഗീത സംവിധായകൻ.