കൊൽക്കത്തയിലെ കമാൻഡ് ഹോസ്പിറ്റലിൽ പ്രിൻസിപ്പൽ മേട്രൻ പദവിയിലേക്കാണ് ഉദ്യോഗക്കയറ്റം.
1986-ൽ സേനയിൽ ലെഫ്റ്റനന്റായി മിലിട്ടറി നഴ്സിംഗ് സർവീസിൽ സേവനം ആരംഭിച്ചു. പിന്നീട് രാജ്യത്തിന്റെ വിവധ സ്ഥലങ്ങളിലെ സൈനിക ആശുപത്രികളിൽ വിവിധ പദവികളിൽ ബ്രിഗേഡിയർ സുധർമ്മാ ദേവി സേവനമനുഷ്ടിച്ചു. സ്തുതുത്യർഹ സേവനത്തിന് 2009-ൽ GOC-in-C (Southern Command)-ന്റെ പ്രശംസാ പത്രത്തിനും ബ്രിഗേഡിയർ അർഹയായി.
ഫീൽഡ് യൂണിറ്റിൽ സേവനമനുഷ്ഠിക്കുന്ന ആർമി മെഡിക്കൽ കോർപ്പിൽ ഡോക്ടറായ ക്യാപ്റ്റൻ സവിൻ മോഹനും ഭർത്താവ് മോഹനൻ പിള്ളയും സന്തോഷം പങ്കിടാൻ കൊൽക്കത്തയിൽ എത്തിയിരുന്നു.
ഇത്തവണത്തെ സ്വാതന്ത്ര്യ ദിനത്തിൽ GOC-in-C സെൻട്രൽ കമാൻഡിന്റെ പ്രശംസാപത്രം ക്യാപ്റ്റൻ സവിനെ തേടി എത്തിയതിന്റെകൂടി സന്തോഷത്തിലാണ് കുടുംബാംഗങ്ങൾ. മകൾ സ്വാതിയും മരുമകൻ വൈശാഖും കുവൈറ്റിൽ എൻജിനീയർമാരാണ്.