ആലപ്പുഴ: രൂപതയിലെ മുതിർന്ന വെെദികൻ ഫാ. മാത്യു നൊറോണയെ (83) "പരിശുദ്ധ പിതാവിന്റെ ചാപ്ലൈൻ’ എന്ന ഔദ്യോഗിക ബഹുമതിയോടെ ഫ്രാൻസിസ് മാർപാപ്പ മോൺസിഞ്ഞോർ പദവിയിലേക്ക് ഉയർത്തി. മാർപാപ്പയുടെ ഉത്തരവ് അപ്പസ്തോലിക് നൂൺഷ്യേച്ചറിൽനിന്ന് രൂപത ബിഷപ് ഡോ. ജയിംസ് റാഫേൽ ആനാപറമ്പിലിന് ഇന്നലെ ലഭിച്ചു.
തീർഥാടന കേന്ദ്രമായ തുമ്പോളി പള്ളിയിൽ തിരുനാളായിരുന്ന ഇന്നലെ വൈകിട്ട് 3.30ന് കുർബാന മധ്യേ ബിഷപ് ഔദ്യോഗിക വിവരം പ്രഖ്യാപിച്ചു. ഞായർ വൈകിട്ട് 4.30ന് ആലപ്പുഴ മൗണ്ട് കാർമൽ കത്തീഡ്രലിൽ ബിഷപ് ഡോ. ജയിംസ് ആനാപറമ്പിൽ ഫാ. മാത്യു നൊറോണയെ ഔദ്യാഗിക ബഹുമതി ചിഹ്നങ്ങൾ അണിയിക്കും. തുടർന്നുള്ള സമൂഹ ദിവ്യബലിക്ക് മോൺ. മാത്യു നൊറോണ നേതൃത്വം നൽകുമെന്ന് രൂപത വികാരി ജനറൽ മോൺ. ജോയി പുത്തൻവീട്ടിൽ അറിയിച്ചു.
1939 സെപ്റ്റംബർ 23ന് തകഴി കുന്നുമ്മ മുട്ടിച്ചിറ എംവി പുലിമുഖം വീട്ടിൽ ജോർജ് നൊറോണ-മേരി നൊറോണ ദമ്പതികളുടെ മകനായി ജനിച്ച മാത്യു പൂന പേപ്പൽ സെമിനാരിയിൽ വൈദിക പഠനം പൂർത്തിയാക്കി 1964 ഡിസംബർ 12ന് മുംബെയിൽ നടന്ന ദിവ്യകാരുണ്യ കോൺഗ്രസിൽ വൈദിക പട്ടം സ്വീകരിച്ചു.
എസ്ഡി കോളജിൽനിന്നു ബിഎസ്സി ഫിസിക്സ് പാസായി. സെന്റ് ആന്റണീസ് ഓർഫനേജിൽ വൈദികശുശ്രൂഷ ആരംഭിച്ച അദ്ദേഹം സെന്റ് മൈക്കിൾസ് കോളജ് മാനേജരായി 23 വർഷം സേവനം ചെയ്തു. കത്തീഡ്രൽ സഹവികാരി, തങ്കി, മായിത്തറ എന്നിവിടങ്ങളിൽ ചാപ്ലൈൻ, വണ്ടാനം, എഴുപുന്ന, പള്ളിത്തോട്, സൗദി, കാട്ടൂർ ഫെറോന എന്നിവിടങ്ങളിൽ വികാരിയായും സേവനം ചെയ്തു. 2014 ൽ വിരമിച്ച ശേഷം മായിത്തറയിൽ വൈദികരുടെ വിശ്രമ ഭവനത്തിലാണെങ്കിലും ജാതിമതഭേദമെന്യ എല്ലാവർക്കും വേണ്ടി സേവനം ചെയ്തു കർമനിരതനാണ് ഫാ. മാത്യു നൊറോണ.
തീർഥാടന കേന്ദ്രമായ തുമ്പോളി പള്ളിയിൽ തിരുനാളായിരുന്ന ഇന്നലെ വൈകിട്ട് 3.30ന് കുർബാന മധ്യേ ബിഷപ് ഔദ്യോഗിക വിവരം പ്രഖ്യാപിച്ചു. ഞായർ വൈകിട്ട് 4.30ന് ആലപ്പുഴ മൗണ്ട് കാർമൽ കത്തീഡ്രലിൽ ബിഷപ് ഡോ. ജയിംസ് ആനാപറമ്പിൽ ഫാ. മാത്യു നൊറോണയെ ഔദ്യാഗിക ബഹുമതി ചിഹ്നങ്ങൾ അണിയിക്കും. തുടർന്നുള്ള സമൂഹ ദിവ്യബലിക്ക് മോൺ. മാത്യു നൊറോണ നേതൃത്വം നൽകുമെന്ന് രൂപത വികാരി ജനറൽ മോൺ. ജോയി പുത്തൻവീട്ടിൽ അറിയിച്ചു.
1939 സെപ്റ്റംബർ 23ന് തകഴി കുന്നുമ്മ മുട്ടിച്ചിറ എംവി പുലിമുഖം വീട്ടിൽ ജോർജ് നൊറോണ-മേരി നൊറോണ ദമ്പതികളുടെ മകനായി ജനിച്ച മാത്യു പൂന പേപ്പൽ സെമിനാരിയിൽ വൈദിക പഠനം പൂർത്തിയാക്കി 1964 ഡിസംബർ 12ന് മുംബെയിൽ നടന്ന ദിവ്യകാരുണ്യ കോൺഗ്രസിൽ വൈദിക പട്ടം സ്വീകരിച്ചു.
എസ്ഡി കോളജിൽനിന്നു ബിഎസ്സി ഫിസിക്സ് പാസായി. സെന്റ് ആന്റണീസ് ഓർഫനേജിൽ വൈദികശുശ്രൂഷ ആരംഭിച്ച അദ്ദേഹം സെന്റ് മൈക്കിൾസ് കോളജ് മാനേജരായി 23 വർഷം സേവനം ചെയ്തു. കത്തീഡ്രൽ സഹവികാരി, തങ്കി, മായിത്തറ എന്നിവിടങ്ങളിൽ ചാപ്ലൈൻ, വണ്ടാനം, എഴുപുന്ന, പള്ളിത്തോട്, സൗദി, കാട്ടൂർ ഫെറോന എന്നിവിടങ്ങളിൽ വികാരിയായും സേവനം ചെയ്തു. 2014 ൽ വിരമിച്ച ശേഷം മായിത്തറയിൽ വൈദികരുടെ വിശ്രമ ഭവനത്തിലാണെങ്കിലും ജാതിമതഭേദമെന്യ എല്ലാവർക്കും വേണ്ടി സേവനം ചെയ്തു കർമനിരതനാണ് ഫാ. മാത്യു നൊറോണ.